စစ်ကိုင်းတိုင်း၊မြောင်မြို့နယ်တွင်အရပ်သားပြည်သူအယောင်ဆောင်ပြီးအကြမ်းဖက်စစ်ကောင်စီဘက်မှသူလျှို၁၁ ဦးစေလွှတ်ထား၍ ပြည်သူများသတိထားကြရန်မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ (CDSOM)ယနေ့ထုတ်ပြန်သည်။
အကြမ်းဖက်စစ်ကောင်စီတပ်သည်စစ်ကိုင်းတိုင်းအတွင်းသို့ အရပ်သားပြည်သူအယောင်ဆောင် သူလျှိုများစေလွှတ်ထားသည်ဟုသိရှိရကြောင်း၊ ဖေဖော်ဝါရီလ ၁၉ ရက်နေ့က မြောင်မြို့နယ်အတွင်းသို့ အရပ်သားပြည်သူအယောင်ဆောင်ပြီး အမျိုးသား ၇ ဦးနှင့် အမျိုးသမီး ၄ဦးရောက်ရှိ
နေသည်ဟုသိရကြောင်းထုတ်ပြန်ထားသည်။ထိုအပြင်ယခင်စေလွှတ်ထားသည့် သူလျှို (၃)ဦးထဲမှ (၁)ဦးအား စစ်တပ်၏ လက်မှတ်အပြည့်အစုံဖြင့် CDSOM မှ ဖမ်းဆီးရမိကာ စစ်ဆေးချက်များယူပြီး ထိန်းသိမ်းထားကြောင်း၊ သူလျှိုကတိများဖောက်ဖျက်ပြီး ထွက်ပြေးသည့်အတွက်ဖြင့် လုပ်ထုံးလုပ်နည်းများအတိုင်းလုပ်ဆောင်ပေးလိုက်ရကြောင်းမြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ကထုတ်ပြန်ထားသည်။
ညီနောင်မဟာမိတ်များ နှင့် ပြည်သူများအနေဖြင့် မိမိအနီးပတ်ဝန်းကျင်တွင် ရောက်ရှိနေသည့် မျက်နှာစိမ်းများကို သေချာစောင့်ကြည့်ပြီး ဒေသခံကာကွယ်ရေးအဖွဲ့များကို သတင်းပေးခြင်းဖြင့် ပူးပေါင်းပါဝင်ပေးဖို့လည်း CDSOM မှထပ်မံနှိုးဆော်သည်။
မိဘပြည်သူများအားလုံး ပါဝင်ရမည့်အခြေအနေဖြစ်သည့်အတွက် ရပ်ရွာအတွင်း မျက်နှာစိမ်းများ တွေ့ရှိပါက အထူးသတိရှိကြရန်နှင့် page messenger သို့ လာရောက်အကြောင်းကြားပေးပါရန် မေတ္တာရပ်ခံထားသည်။
Public Service Announcement
