ကချင်ပြည်နယ် ဖားကန့်မြို့နယ် ကာမိုင်းမြို့ရှိ စစ်ကောင်စီဂိတ်တစ်ခုကို ကချင်လွတ်လပ်ရေး တပ်မတော် (KIA)နှင့် ပြည်သူ့ကာကွယ်ရေးတပ်(PDF) ပူးပေါင်းပြီး ယနေ့ နံနက်ပိုင်းက တိုက်ခိုက်ခဲ့သည်ဟု ဒေသခံတစ်ဦးက ပြောသည်။
“ကာမိုင်းဂိတ်မှာဖြစ်တာ။ မနက် ၆နာရီခွဲကနေ စတာ။ KIAနဲ့PDFက သွားပစ်တာပေါ့။ အထိအခိုက်တွေတော့ မသိရသေးဘူး”ဟု ၎င်းက ဆိုသည်။
KIA ၏ စစ်ရေသတင်းများ ပုံမှန်ဖော်ပြလေ့ရှိသည့် ကချင်သတင်းရင်းမြစ်အချို့က ကာမိုင်းဂိတ် တိုက်ခိုက်မှုတွင် စစ်ကောင်စီတပ်မှ ထိခိုက်သေဆုံးမှုရှိသည်ဟု ရေးသားထားသော်လည်း သီးခြားအတည်ပြုနိုင်ခြင်းမရှိသေးပေ။
“အဲဒီမှာ ဆိုင်ကယ်တို့ ကားတို့ကို သူတို့က နည်းနည်းခြိမ်းခြောက်တာတို့ ရပ်ခိုင်းပြီး လမ်းလျှောက်ခိုင်းတာ အဲဒီလိုမျိုးလုပ်တာလေ။ နောက်ပြီးမှ ပိုက်ဆံတောင်းတာ ဘာညာ လုပ်တာ။ အဲဒါသွားဆုံးမတာ”ဟု ဒေသခံက ပြောသည်။
Public Service Announcement
KIA/PDF ပူးပေါင်းပြီး စစ်ကောင်စီတပ်စခန်း၊ ဂိတ်စခန်းများ ထိုးစစ်ဆင်တိုက်ခိုက်ခြင်းများကို ဖေဖော်ဝါရီ ၁ရက်မှစ၍ အရှိန်မြှင့် ဆောင်ရွက်လျက်ရှိရာ ဖားကန့်၊ ပူတာအို ၊ မံစီ၊ မိုးညှင်း၊ ဆွမ်ပရာဘွမ်စသည့် ဒေသများ၌ တိုက်ပွဲများ ဖြစ်ခဲ့သည်။
