▪️ရွာခံများ ထွက်ပြေးတိမ်းရှောင်နေရ
စစ်ကိုင်းတိုင်း ရွှေဘိုမြို့နယ်ရှိ ကျေးရွာအချို့ကို အကြမ်းဖက် စစ်ကောင်စီတပ်က လက်နက်ကြီးဖြင့် ပစ်ခတ်တိုက်ခိုက်ခဲ့ပြီး နှမစားရစ်ရွာကိုလည်း မီးရှို့ဖျက်ဆီးနေကြောင်း ရွှေဘိုမြေပြင်သတင်းအဖွဲ့က ဖော်ပြသည်။
“ဒီနေ့မနက် ၆နာရီဝန်ကျင်လောက်ရွှေဘိုအနောက်သီးလုံးကျေးရွာအနီနှမစားရစ်ရွာ ဇီးဖြူကုန်းရွာ လက်နက် ကြီးနဲ့ပစ် ဝင်နေပီးပြည်သူအားလုံးထွက်ပြေးနေကြောင်းသိရှိရ။ နှမစားရစ်ရွာမီး တင်ရှို့နေကြောင်းသိရှိရ။ အမျိူးသမီးတစ်ဦးလက်နက်ကြီးမှန်ပြီး သေဆုံးသွားကြောင်းသိရှိရ”ဟု ဖော်ပြထားသည်။
ရွှေဘိုမြို့နယ် ဆိပ်ခွန်ရွာခံတစ်ဦးကလည်း “လောင်တာကတော့ လောင်တာ ဟုတ်တယ်။ ဖြစ်စဉ်အသေးစိတ်ကိုတော့ မသိရသေးဘူး”ဟု ပြောသည်။
ဆိပ်ခွန်ကျေးရွာတွင်လည်း စစ်ကောင်စီတပ်က တပ်စွဲထား၍ ရွာခံအများစု တိမ်းရှောင်ထွက်ပြေးနေကြရကြောင်း ၎င်းကဆိုသည်။
အကြမ်းဖက်စစ်ကောင်စီတပ်များသည် ရွှေဘိုမြို့နယ် အပါအဝင် စစ်ကိုင်းတိုင်းရှိ ကျေးရွာအများအပြား ကို မီးရှို့ဖျက်ဆီးခြင်း၊ ပြည်သူလူထုပိုင်ပစ္စည်းများ လုယူခြင်း၊ ဒေသခံများအား ဖမ်းဆီးသတ်ဖြတ်ခြင်းများ စဉ်ဆက်မပြတ်လုပ်ဆောင်လျက်ရှိသည်။