ရန်ကုန်မြို့ လှိုင်သာယာမြို့နယ်အရှေ့ပိုင်းရဲစခန်းနှင့် စည်ပင်ရုံးတို့ကို သုံးကြိမ်ဗုံးဖောက်ခွဲတိုက်ခိုက်ခဲ့ကြောင်း မြို့ပြပြောက်ကျားတပ်ဖွဲ့ From Zero to Hero (ZTH)အဖွဲ့က ယနေ့(ဖေဖော်ဝါရီ ၂၅)ထုတ်ပြန်သည်။
ယနေ့နံနက် ၁၁ နာရီ ၁၅ခန့်တွင် လှိုင်သာယာရုံးရှေ့မှတ်တိုင်အနီး မြို့မရဲစခန်းမျက်နှာစာရှေ့၌ ဗုံးဖောက်ခွဲမှု နှစ်ကြိမ်ပြုလုပ်ခဲ့ကြောင်း ထုတ်ပြန်ချက်တွင် ဖော်ပြ သည်။
ထို့အပြင် နောက်ထပ်ဗုံးတစ်လုံးအား အဓိကပစ်မှတ်အဖြစ်ထားပြီး ဖောက်ခွဲတိုက်ခိုက်ရန်စဥ်ခဲ့ရာ ပြည်သူများအသွားအလာရှိသဖြင့် နေ့လယ် ၁၂ နာရီခန့်တွင် နေရာပြောင်း ဖောက်ခွဲခဲ့ရကြောင်း ZTH အဖွဲ့က အသိပေးသည်။
ထို့ကြောင့် ပြည်သူများအနေဖြင့် ပေါက်ကွဲသံကြားပါက ယင်းနေရာနှင့်အဝေးသို့ရှောင်ရှားပေးရန်၊ စူးစမ်းမှုမပြုလုပ်ရန်နှင့် ပေါက်ကွဲမှုဆက်တိုက်ဖြစ်ပေါ်နိုင်သောကြောင့် ကြိုတင်ရှောင်ရှားရန် မေတ္တာရပ်ခံထားသည်။
Public Service Announcement
