ကချင်ပြည်နယ် ဖားကန့်မြို့နယ် ကာမိုင်းမြို့အနီးရှိ စစ်ဆေးရေးဂိတ်မှ စစ်ကောင်စီတပ်ဖွဲ့ဝင်များ ပြန်လည်ရုတ်သိမ်းသွား၍ ပြည်သူလူထုများ လွတ်လပ်စွာ သွားလာနိုင်ပြီဖြစ်ကြောင်း ဒေသခံတစ်ဦးက ပြောသည်။
“ကာမိုင်းလမ်းဆုံကဂိတ်။ ဘယ်လိုလဲမသိဘူး။ သူများပြောတာတော့ လွတ်လွတ်လပ် လပ်သွားလို့ရပြီလို့ပြောတယ်။ ဟိုတစ်နေ့က တိုက်ပွဲဖြစ်တာက အဲဒီဂိတ်မှာပဲ” ဟု လဝါးဒေသခံက ပြောသည်။
အခြားကချင်ဒေသခံတစ်ဦးကလည်း ကာမိုင်းစစ်ဆေးရေးဂိတ်သည် ခရီးသွားပြည်သူလူထုများအား စစ်ဆေးမှုတင်းကြပ်ခြင်း၊ ငွေကြေးတောင်းခံခြင်းများကြောင့် KIAက သွားရောက်တိုက်ခိုက်ခဲ့သည်ဟု ပြောသည်။
ကာမိုင်း – လဝါးလမ်းဆုံမှ စစ်ကောင်စီစစ်ဆေးရေးဂိတ်သည် ဖေဖော်ဝါရီ ၂၅ရက်တွင် ကချင်လွတ်လပ်ရေးတပ်မတော်(KIA)က တိုက်ခိုက်ခဲ့ပြီးနောက် ဖေဖော်ဝါရီ ၂၆ရက်မှစ၍ တပ်ဆုတ်သွားခြင်းဖြစ်သည်ဟု Kachinwaves သတင်းဌာနက ဖော်ပြထားသည်။
Public Service Announcement
