မကွေးတိုင်း၊ ရေစကြိုမြို့နယ်တွင် စစ်ကြောင်းထိုးလာသည့် အကြမ်းဖက်စစ်ကောင်စီတပ်အားပဒေသာမိုင်းဖြင့်ဖောက်ခွဲတိုက်ခိုက်ရာ အကြမ်းဖက်စစ်ကောင်စီတပ်ဘက်မှ ထိခိုက်သေဆုံးမှုများနိုင်ကြောင်း N-YSOပြောက်ကျားတပ်ဖွဲ့က သတင်းထုတ်ပြန်သည်။
ယနေ့ (ဖေဖော်ဝါရီလ၂၈ရက်) နံနက် (၁၁)နာရီခန့်က PDFများတောထဲမှာရှိသည်ဟု ဒလန်သတင်းပေးသောကြောင့် အကြမ်းဖက် စစ်ကောင်စီတပ်သည် စစ်ကားသုံးစီး၊ အင်အားငါးဆယ်ခန်ဖြင့် ကားများ၊ ခြေလျင်စစ်ကြောင်းများဖြင့် စစ်ကြောင်းထိုးလာခဲ့ကြောင်း၊ အကြမ်းဖက်စစ်သားအချို့သည် ကားနားတွင်စောင့်နေပြီး ၎င်းတို့ကားသည်မိုင်းပွိုင့်ပေါ်တွင်ရပ်ထားမိလျက်သား ဖြစ်နေကြောင်း၊ ၎င်းတို့က “သတ္တိရှိလျှင်ထွက်ခဲ့” ဟု စိန်ခေါ်လျက် အော်ဟစ်ဆဲဆိုခဲ့ကြသည်ဟု N-YSOပြောက်ကျားတပ်ဖွဲ့ ထြတ်ပြန်ချက်တွင်ဖော်ပြထားသည်။
၎င်းတို့အား N-YSOပြောက်ကျားတပ်ဖွဲ့၊Chaung U PDFနှင့် ငဘ ဒေသကာကွယ်ရေးပြောက်ကျားတပ်ဖွဲ့တို့ကပဒေသာမိုင်းအတွဲလိုက်ဖြင့် ဖောက်ခွဲ၍ ခုခံတိုက်ခိုက်ခဲ့ရာ ငါးယောက်သည် အထက်သို့မြောက်တက်သွားခဲ့ပြီး ဖောကားမှာခေါင်းပိုင်း စုတ်ပြတ်သွားကြောင်း၊ အထိခိုက်များနိုင်ပြီး အသေစာရင်းအတိအကျမသိရသေးကြောင်း N-YSOပြောက်ကျားတပ်ဖွဲ့က ပြောသည်။
“ဖြစ်တာကတော့ ပခုက္ကူ-ရေစကြို-ချောင်းဦး လမ်းမကြီးပေါ်မှာပါ။ တကယ်ဆို ဒီနေ့လို ကေစ်(ဖြစ်ရပ်)မျိုးဆို စစ်ကြောင်းနှစ်ခုကြားမှာ ညှပ်သွားခဲ့တာဗျ။ မလွတ်ရင် ကျွန်တော်တို့ ကိုယ့်မိုင်းနဲ့ကို အဆုံးစီရင်ဖို့တွေးပြီး လုပ်ခဲ့ရတာဗျ။ အဓိကကတော့ ကျွန်တော်တို့မှာ သူတို့နဲ့ ယှဥ်ဖိုက်နိုင်တဲ့ လက်နက် မရှိသေးတော့ ရှိတာနဲ့ လုပ်နေရတာပေါ့။ ဒါကိုလဲ NUG အနေနဲ့မြေပြင်က အဖွဲ့အစည်းတွေကို တတ်နိုင်သလောက် မြန်ဆန်တဲ့ ကူညီမှု့တွေ ပေးပါလို့တော့ပြောချင်ပါတယ်။”ဟု N-YSOပြောက်ကျားတပ်ဖွဲ့တာဝန်ရှိသူက လူထုနွေဦးသို့ ပြောသည်။
Public Service Announcement
ရဲဘော်များ အထိခိုက်မရှိဆုတ်ခွာနိုင်ခဲ့ပြီး အကြမ်းဖက်စစ်ကောင်စီတပ်က အပြစ်မဲ့ ပြည်သူတစ်ဦးအားဖမ်းဆီးသွားကြောင်း N-YSOပြောက်ကျားတပ်ဖွဲ့ကထုတ်ပြန်သည်။
ဖေဖော်ဝါရီ (၂၅)ရက် ၊ ညပိုင်းကလည်း ချောင်းဦး-ရေစကြို-ပခုက္ကူ လမ်းမကြီးပေါ်သို့ဖြတ်သန်းလာသည့် အကြမ်းဖက်စစ်ကောင်စီကားတစ်စီးအား N-YSO ပြောက်ကျားတပ်ဖွဲ့၊ ငဘ ဒေသကာကွယ်ရေးပြောက်ကျားတပ်တို့ကပဒေသာမိုင်းဖြင့် ဖောက်ခွဲကာခုခံတိုက်ခိုက်ခဲ့သေးသည်။
