မန္တလေး ၊ချမ်းမြသာစည်မြို့နယ် ထဲက သိပ္ပံလမ်းနဲ့ ၇၈ လမ်းအနီးမှာ မနေ့က ညနေပိုင်း ပေါက်ကွဲမှု တစ်ခုဖြစ်ခဲ့ရာ မြို့ပြပြောက်ကျားတပ်ဖွဲ့ဝင် နှစ်ဦးကျဆုံးခဲ့ရတယ်လို့ Mandalay Ranger Force PDF ကအသိပေးထုတ်ပြန်ပါတယ်။
သိပ္ပံလမ်းနဲ့ ၇၈ လမ်းအနီး စက်ဘီး ၊ဆိုင်ကယ်အသုံးပြုတဲ့လမ်းပိုင်းမှာ ဆိုင်ကယ်တစ်စီးပေါက်ကွဲမှုဖြစ်ကာ အဲဒီဆိုင်ကယ်နဲ့လိုက်ပါလာတဲ့အမျိုးသားနှစ်ဦးဟာ မီးလောင်ဒဏ်ရာတွေနဲ့သေဆုံးသွားခဲ့ရတာပါ။
အဲဒီပေါက်ကွဲမှုမှာ သေဆုံးသွားသူနှစ်ဦးဟာ မြို့ပြပြောက်ကျားတပ်ဖွဲ့ဝင်တွေဖြစ်တယ်လို့ သိရပါတယ်။
မနေ့က မန္တလေးမှာ ပေါက်ကွဲမှု လေး ကြိမ်ထက်မနည်းရှိခဲ့ပြီး ပေါက်ကွဲမှုကြောင့် စစ်ကောင်စီတပ်ဖွဲ့ဝင်တွေ ထိခိုက်ဒဏ်ရာရတာတွေရှိခဲ့ပါတယ်။
ဒါအပြင် သတင်းပေးဒလန်တစ်ဦးလည်း သေနတ်နဲ့ပစ်သတ်ခံရမှုဖြစ်ပွားခဲ့ပါတယ်။