လာမည့်မတ်လ ၂၇ ရက်မှစတင်၍ တော်လှန်ရေးတိုက်စစ်အရှိန်မြှင့်တင် မည်ဖြစ်၍ ပြည်သူများအနေဖြင့် ကြွတ်ကြွတ်အိတ်အမဲများကို အထူးရှောင်ရှား ရန် Burma Revolution Hlaing Army -BRHA က သတိပေးထုတ်ပြန်သည်။
စစ်ကောင်စီ၏ အခြေခံအုတ်မြစ်အဖြစ် ထောက်ပံ့နေသည့် မီတာရုံး ၊အခွန်ရုံး နှင့်စည်ပင်ရုံး များကို အဓိကပစ်မှတ်ထား၍ ပြောက်ကျားနည်းစနစ်ဖြင့် ဖောက်ခွဲတိုက်ခိုက်မည်ဟု အသိပေးထားသည်။
“ပြောက်ကျားနည်းစနစ်အတိုင်း ရုတ်တရက်လူမြင်ကွင်းမှထွက်လာပြီး လျှပ်တပြတ်တိုက်ခိုက်မှုများပြုလုပ်မည်ဖြစ်ပါ၍ ပြည်သူများအနေဖြင့် ဝမ်းရေးအရဖြစ်စေ ကိစ္စတစ်စုံတစ်ရာကြောင့်ဖြစ်စေ Mission နယ်နိမိတ်ထဲ ရောက်နေပါက ဘာကိုမှမစပ်စုဘဲ လွတ်ကျွတ်ရာလမ်း (သို့မဟုတ်) အဆောက် အဦးထဲဝင်ရောက်နေထိုင်ပေးပါ”ဟု BRHAက ဆိုသည်။
ဖောက်ခွဲတိုက်ခိုက်ရာတွင် အမဲရောင်အိတ်များ၊ ပါဆယ်ပုံးများကို အသုံးပြုမည် ဖြစ်သောကြောင့် ကြွတ်ကြွတ်အိတ်အမဲများကို အထူးသတိထားရှောင်ရှားရန် မေတ္တာရပ်ခံ ထားသည်။
Public Service Announcement
BRHA ကဲ့သို့ပင် ပြီးခဲ့သည့်ရက်က Thaketa’s Urban Guerrilla Force ကလည်း မြို့ပြများ၌ အပြန်အလှန်ပစ်ခတ်မှုများ ကြုံလာနိုင်သောကြောင့် ယင်းအခြေအနေနှင့်ကြုံလာပါကနေထိုင်သင့်သည့် အချက်များကို ထုတ်ပြန်ခဲ့ သည်။
ထို့ပြင် စစ်ဆင်ရေးများပြုလုပ်ချိန် အရေးပေါ်လမ်းတောင်းသည့် ကား၊ဆိုင်ကယ်များကို လမ်းဖွင့်ပေးရန်နှင့် သေနတ်ပြလမ်းတောင်းမိပါက ခွင့်လွှတ် ရန်ကြိုတင်တောင်းပန်ထားသည်။
(ဖေဖော်ဝါရီ၃ရက်က ရန်ကုန်မြို့တစ်နေရာ၌ မြို့ပြပြောက်ကျားများက ဖောက်ခွဲတိုက်ခိုက်မှု ပြုလုပ်နေစဥ်၊ ဓာတ်ပုံ – ရန်ကုန်လူထုသပိတ်/ ဖေ့စ်ဘွတ်ခ်)
