ပခုက္ကူနယ်တွင်​ကျေးရွာများမီးရှို့ပြန်လာ​သောအကြမ်းဖက်စစ်​ကောင်စီတပ်ကားကို ပ​ဒေသာမိုင်းဆွဲ ၅ ဦးခန့်​သေ

မကွေးတိုင်း၊ ပခုက္ကူမြို့နယ်တွင် ကျေးရွာများအား ဝင်ရောက်မွှေနှောက်အကြမ်းဖက်ပြီး ပြန်လာသည့်အကြမ်းဖက်စစ်ကောင်စီတပ်၏ကားတစ်စီးအားဒေသတွင်းPDFအဖွဲ့နှစ်ဖွဲ့ကပူးပေါင်းပြီးပဒေသာမိုင်းဖြင့်တိုက်ခိုက်ရာအကြမ်းဖက်စစ်တပ်ဘက်မှ ငါးဦးခန့်သေဆုံးနိုင်ကြောင်း Pakokku North PDFက သတင်းထုတ်ပြန်သည်။

ယနေ့( မတ်လ ၂၀ ရက် )မွန်းလွဲ ၁၂နာရီ ၄၀မီနစ် အချိန်ကပခုက္ကူ- ရေစကြို လမ်းပိုင်း၊ ပခုက္ကူသို့ပြန်လာသောစစ်ကားတစ်စီးအား ပခုက္ကူ လေယာဉ်ကွင်းအနီးတွင် Pakokku North PDF နှင့် ပူးပေါင်းမဟာမိတ် Southern YSO PDF အဖွဲ့ ၂ဖွဲ့ ပူးပေါင်း၍ ပဒေသာမိုင်း ၈ လုံးဖြင့်တိုက်ခိုက်
ခဲ့ကြောင်း ၎င်းအဖွဲ့များကသတင်းထုတ်ပြန်သည်။

အတွင်းသတင်းအရ စစ်သားငါးယောက်ခန့်ပွဲချင်းပြီသေဆုံးပြီး နှစ်ဦး ဒဏ်ရာ ပြင်းထန်စွာ ရသွားကြောင်း၊ စစ်ကောင်စီတပ်များခြေရှုပ်နေ၍ ပြည်သူများ အသွားအလာ ဆင်ခြင်ကြရန် PakokkuNorthPDFကသတိပေးသည်။

“ရေစကြိုကနေ ပခုက္ကူဘက်ကို ပြန်တဲ့ကားပါ။အခုမနက်ကတည်းက ကျောက်ထပ်၊ ဇီးတောဘက်မှာ ခွေးတွေ ဝင်မွှေနေတာလို့ သတင်းရတယ်။အဲ့ဘက်ကနေ ထွက်လာတဲ့ကားပါ။သတင်းပေးပို့မှုရှိလို့ ကြားဖြတ်ဆွဲတာပါ။ထွေထွေထူးထူးတော့ ပြောစရာမရှိပါဘူး။ပြည်သူတွေကို စကစတို့နဲ့ ခပ်ဝေးဝေးမှာ နေဖို့ပဲ ။ ကျွန်တော်တို့ PDFတွေအရမ်း အခက်အခဲဖြစ်တယ်ဗျ”ဟု PakokkuNorthPDF အဖွဲ့တာဝန်ရှိသူက လူထုနွေဦးသို့ ပြောသည်။

Public Service Announcement

မတ်လ ၁၇ ရက်နေ့ ညနေပိုင်းကလည်း ပခုက္ကူမြို့၊ အမှတ် (၃)ရပ်ကွက်၊ (ဂ)ကွင်း (၅)လမ်းရှိ စစ်​ကောင်စီ၏ စီးပွားရေးထောက်တိုင်ဖြစ်သည့် mytel ရုံးအား လက်ပစ်ဗုံးဖြင့် PKU N PDF နှင့် ပူးပေါင်းမဟာမိတ်အဖွဲ့ SouthernYSO PDF တို့မှ ပစ်ခတ်သတိပေးခဲ့သေးသည်။