▪️မြန်မာ့အရေးကို ICC သို့လွှဲပြောင်းနိုင်ရေး တိုက်တွန်း
မြန်မာစစ်တပ်က လူမျိုးသုဉ်းသတ်ဖြတ်ကြောင်း အမေရိကန်၏ သတ်မှတ်ကြေညာမှုကို အမျိုးသားညီညွတ်ရေးအစိုးရ(NUG)က ကြိုဆိုကြောင်း ယနေ့ထုတ်ပြန်သည်။
၂၀၁၇ တွင် ရခိုင်ပြည်နယ်ရှိ ရိုဟင်ဂျာများအပေါ် မြန်မာစစ်တပ်က လူမျိုးသုဉ်းသတ်ဖြတ်ခြင်း၊ လူသားမျိုးနွယ်ကိုဆန့်ကျင်သောရာဇဝတ်ဝတ်မှုများကျူးလွန်ခြင်းတို့ လုပ်ဆောင်ခဲ့ကြောင်း အမေရိကန်အစိုးရက မတ်လ ၂၁ ရက်တွင် တရားဝင်သတ်မှတ်လိုက်ခြင်းအပေါ် NUG က ကြိုဆို လိုက်ခြင်းဖြစ်သည်။
မြန်မာစစ်တပ်ခေါင်းဆောင်ပိုင်းအနေဖြင့် ပြစ်ဒဏ်ပေးခြင်းမှ ကင်းလွတ်ခွင့်ရနေခြင်းက တရားမဝင်စစ်အာဏာသိမ်းမှုကိုဖြစ်ပေါ်စေကာ နိုင်ငံတဝန်း ရာဇဝတ်မှုများကို ဦးတည်စေကြောင်း NUG က ပြောသည်။
Public Service Announcement
မြန်မာစစ်တပ်သည် ရိုဟင်ဂျာများအပေါ် ကျူးလွန်ခဲ့သည့်ရာဇဝတ်မှုများကို ယနေ့တိုင် မြန်မာပြည်သူလူထုအပေါ် ဆက်လက်ကျူးလွန်နေဆဲဖြစ်ကြောင်း NUG က ထုတ်ပြန်သည်။
ထို့ကြောင့် အမေရိကန်အနေဖြင့် မြန်မာနိုင်ငံအခြေအနေကို နိုင်ငံတကာရာဇဝတ်ခုံရုံး(ICC)သို့ လွှဲပြောင်းရေး ကုလသမဂ္ဂလုံခြုံရေးကောင်စီကို အားပေးကူညီရန် NUG က တိုက်တွန်းသည်။
