ချင်းတွင်းမြစ်ရှိ ​ရွှေ​မျောလုပ်ငန်းများ ယခုလကုန် ​နောက်ဆုံးဖြုတ်သိမ်းရန် က​လေးဝ PDF သတိ​ပေး

စစ်ကိုင်းတိုင်း ကလေးဝမြို့နယ် ချင်းတွင်းမြစ်အတွင်းရှိရွှေမျောလုပ်ငန်းများ ယခုလ(မတ်လ)ကုန်နောက်ဆုံးထား ဖြုတ်သိမ်းရန် PDF-Kalewaက ယနေ့(မတ်လ ၂၃ ရက်) သတိ​ပေး ထုတ်ပြန်သည်။

အကြမ်းဖက်စစ်ကောင်စီအား ငွေကြေးထောက်ပံ့ပြီး ဆင်ခေါင်းကျေးရွာအနီး ချင်းတွင်းမြစ်ထဲ၌ တရားမဝင် ရွှေမျောများ မောင်းနှင်းလျက်ရှိသည်ကို သိရှိထားပြီဖြစ်သည်ဟု PDF- Kalewa ဆိုသည်။

တော်လှန်ရေးဆောင်ရွက်နေရာတွင် စစ်ကောင်စီတပ်သားများကို သုတ်သင်ရှင်းလင်းသကဲ့သို့ ရှိသလို စစ်ကောင်စီ၏ ဝင်ငွေရလမ်းများကို ပိတ်ဆို့တားဆီးရေး ဆောင်ရွက်နေကြောင်းလည်း အသိပေးသည်။

ရွှေကျင်လုပ်ငန်းများသည် စစ်ကောင်စီကို ထောက်ပံ့နေသည့်အပြင် သဘာဝရေမြေတောတောင်မြစ်ကြောင်း၊ သက်ရှိသတ္တဝါနှင့် လူမှုဝန်းကျင်ကို ထိခိုက်စေသည့် ဆိုးကျိုးများ ဖြစ်ပေါ်လာသည်ဟု ထုတ်ပြန်ချက်၌ ဖော်ပြသည်။

Public Service Announcement

ထို့ကြောင့် အများပြည်သူအကျိုးကျေးဇူးကို ရှေးရှု၍ မတ်လ ၃၁ ရက် နောက်ဆုံးထားကာ လုံးဝ(လုံးဝ)ဖြုတ်သိမ်းကြရန်နှင့် မလိုက်နာပါက နောက်ဆက်တွဲထိခိုက်ဆုံးရှုံးပျက်စီးမှုများ ဖြစ်ပေါ်လာမည်ဟု PDF- Kalewa က သတိပေးသည်။