ရွှေပြည်သာ
ယနေ့ည ၈နာရီခန့်တွင် ရွှေပြည်သာ နဝရတ်စျေးအနီး ပေါက်ကွဲမှုဖြစ်ပွားခဲ့ပြီး လူထိခိုက်မှု ရှိနိုင်ကြောင်း ရွှေပြည်သာမြို့နယ်သတင်းပြန်ကြားရေးက ဆိုသည်။
မြောက်ဥက္ကလာ
ယနေ့ည ၈နာရီ ၂၄ မိနစ်ခန့်က မြောက်ဥက္ကလာပမြို့နယ်၊ ခေမာသီလမ်းမပေါ်၊ မြရတနာ အမှတ် (၉)ရဲစခန်းအနီးတွင် ပစ်ခတ်ပေါက်ကွဲ မှုများဖြစ်ပေါ်ခဲ့သည်ဟု North Okkalapa Information က အသိပေးသည်။
Public Service Announcement
သာကေတ
ယနေ့ည ၉ နာရီခန့်တွင် ပစ်ခတ်သံအချို့ ဖြစ်ပေါ်ခဲ့ပြီးနောက် အကြမ်းဖက်စစ်တပ်၏ DC ယာဥ်လေးစီးသည် ရူခင်သာမြို့ပတ်လမ်းအတိိုင်း မောင်းနှင်သွားကြောင်း မျက်မြင်တွေ့ရှိသူ အချို့က ဆိုသည်။
မရမ်းကုန်း
အကြမ်းဖက်စစ်ကောင်စီအနေဖြင့် ရန်ကုန်မြို့ကို လက်ရှိအချိန်အထိ မထိန်းချုပ်နိုင်သေး ကြောင်း ပြသသည့်အနေဖြင့် ဘုရင့်နောင် (၅၃၂) တပ်ရင်းအနီး အဝေးထိန်းဗုံးဖြင့် ဖောက်ခွဲ တိုက်ခိုက်ကြောင်း Gods of Death အဖွဲ့က ထုတ်ပြန်ထားသည်။
ယနေ့(မတ်လ ၂၇ ရက်)ညနေ ၆ နာရီကျော်တွင် ဘုရင့်နောင်(၅၃၂)တပ်ရင်း အနီး အဝေးထိန်းဗုံးနှစ်လုံးကို G.O.D က YGN PDF အဖွဲ့နှင့်ပူးပေါင်း တိုက်ခိုက်ခဲ့ခြင်း ဖြစ်သည်။
ဖောက်ခွဲတိုက်ခိုက်မှု ဖြစ်စဥ်အတွင်း လမ်းသွားလမ်းလာ ပြည်သူသုံးဦး ထိခိုက်မှုရှိခဲ့သည့် အတွက် ကာကွယ်ရေးတပ်ဖွဲ့ဝင်များမှ ရိုကျိုးစွာဖြင့် အနူးအညွတ် တောင်းပန်ကြောင်းလည်း G.O.D က ဆိုသည်။
ယနေ့ နံနက်ပိုင်းကလည်း သာကေတနှင့် ဗဟန်း မြို့နယ်တို့တွင် ဗုံးပေါက်ကွဲမှုများရှိခဲ့သည်။
