Connect with us

Hi, what are you looking for?

LuduNwayOo

News

ရန်ကုန်တွင် “သတိုးမင်းရဲကျော်ထင်”စစ်ဆင်ရေးစတင်သည့်အနေဖြင့် စစ်ကောင်စီယာဥ်ကို အဝေးထိန်းပဒေသာမိုင်းနှစ်လုံးဖြင့် GODအဖွဲ့တိုက်ခိုက်

အကြမ်းဖက်စစ်ကောင်စီအနေဖြင့် ရန်ကုန်မြို့ကို လက်ရှိအချိန်အထိ မထိန်းချုပ်နိုင်သေးကြောင်း ပြသသည့်အနေဖြင့် ဘုရင့်နောင် (၅၃၂)တပ်ရင်းအနီး အဝေးထိန်းဗုံးဖြင့် G.O.Dက ဖောက်ခွဲ တိုက်ခိုက်ခဲ့သည်။

(ဓာတ်ပုံ- သပိတ်ငယ်အသွင်ယူ၍ မိုင်းချခဲ့ခြင်းဖြစ်သည်။)

ရန်ကုန်မြို့တွင် “သတိုးမင်းရဲကျော်ထင်”စစ်ဆင်ရေး စတင်အသက်သွင်းသည့်အနေဖြင့် ပြောက်ကျား သပိတ်ငယ်အသွင်ယူကာ စစ်ကောင်စီယာဥ်ကို အဝေးထိန်းပဒေသာမိုင်းနှစ်လုံးဖြင့် တိုက်ခိုက်ခဲ့ရာ အထိအခိုက်များကြောင်း ရန်ကုန်မြို့ပြပြောက်ကျားတပ်ဖွဲ့ Gods Of Death က အသိ​ပေးထုတ်ပြန်သည်။

ယနေ့ (မတ်လ ၃၀ရက်) နံနက် ၁၀နာရီ ၃၅မိနစ်ခန့်က သင်္ဃန်းကျွန်းမြို့နယ်(အ.ထ.က) သုဝဏ္ဏကျောင်းရှေ့၌ စစ်ကျွန်ပညာရေးအလိုမရှိသော ကျောင်းသား​ပြောက်ကျား သပိတ်ငယ်အသွင်ယူကာ ပြုလုပ်ခဲ့သည်ဟု ဆိုသည်။

ထို့နောက် မိုင်းချခဲ့သည့်နေရာသို့ကင်းလှည့် စစ်ကောင်စီ DC ကားတစ်စီး လာရောက်စစ်ဆေးချိန် ဖောက်ခွဲမှုအားပြုလုပ်ခဲ့ကာ စစ်ကောင်စီဘက်၌ အထိအခိုက် များရှိသည်ဟုကြားသိရပြီး အသေးစိတ်ကိုမသိရှိသေးဟု G.O.D က အသိပေးသည်။

ယခုစစ်ဆင်ရေးသည် ပြင်းထန်သော စစ်ဆင်ရေးဖြစ်သည့်အတွက် နောက်လာမည့်ဖြစ်စဥ်များတွင် စစ်ဆင်ရေးကိုသာဦးစားပေး၍ တစ်ရှိန်ထိုးဆက်သွားမည် ဖြစ်သဖြင့် မိဘပြည်သူ များအနေဖြင့် အပျော်ပါးများလျှော့၍ စစ်ကောင်စီနှင့် ပတ်သက်သောနေရာဟူသမျှရှောင်ကြဥ်
ရန် နောက်ဆုံးအကြိမ်အဖြစ် G.O.Dက မေတ္တာရပ်ခံသည်။

Public Service Announcement

Public Service Announcement

အကြမ်းဖက်စစ်ကောင်စီအနေဖြင့် ရန်ကုန်မြို့ကို လက်ရှိအချိန်အထိ မထိန်းချုပ်နိုင်သေးကြောင်း ပြသသည့်အနေဖြင့် ဘုရင့်နောင် (၅၃၂)တပ်ရင်းအနီး အဝေးထိန်းဗုံးဖြင့် G.O.Dက ဖောက်ခွဲ တိုက်ခိုက်ခဲ့သည်။

အလားတူ မတ်လ ၅ ရက်ကလည်း ရန်ကုန်မြို့ လှိုင်သာယာမြို့နယ် (၁၀)ရပ်ကွက်အုပ်ချုပ်​ရေးမှူးရုံးကို အဝေးထိန်းဗုံးသုံးလုံးဖြင့် တိုက်ခိုက်ခဲ့ကြောင်း ထုတ်ပြန်ထားသည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။