ကုလသမဂ္ဂလူ့အခွင့်အရေးကောင်စီ၏ မြန်မာ့လူ့အခွင့်အရေးအခြေအနေဆိုင်ရာဆုံးဖြတ်ချက်ကို ကြိုဆိုကြောင်း အမျိုးသားညီညွတ်ရေးအစိုးရ(NUG)လူ့အခွင့်အရေးဆိုင်ရာဝန်ကြီးဌာန က ယနေ့ထုတ်ပြန်သည်။
ဧပြီ ၁ ရက်တွင် ကျင်းပပြီးစီးသော (၄၉)ကြိမ်မြောက် ကုလလူ့အခွင့်အရေးကောင်စီအစည်းအဝေးက ချမှတ်ခဲ့သည့် မြန်မာ့အရေးဆုံးဖြတ်ချက်တွင် ၂၀၂၀ ရွေးကောက် ပွဲ၌ ထုတ်ဖော်ပြသခဲ့သည့် မြန်မာပြည်သူများ၏ ဒီမိုကရေစီဆန္ဒများကို လေးစားရန်တောင်းဆိုပြီး ဒီမိုကရေစီနှင့် အရပ်သားအစိုးရအတွက် မြန်မာပြည်သူများ၏ ပြင်းပြသည့်စိတ်ဆန္ဒကို အပြည့်အဝအားပေးထောက်ခံမည်ဖြစ်ကြောင်း ဖော်ပြသည်။
ဆက်လက်ပြီး တရားလက်လွှတ်ဖမ်းဆီးထိန်းသိမ်းခံရသူအားလုံးပြန်လွှတ်ပေးရန်၊ ချိုးဖောက်မှုနှင့် မတရားပြုကျင့်သူ ကျူးလွန်သူအားလုံးကို တာဝန်ခံမှုစေရေးလုပ်ဆောင်ရန်နှင့် ပြုကျင့်ခံရသူများ၊ ရှင်ကျန်ရစ်သူများအားလုံးအတွက် တရားမျှတမှုရှိစေရန် တို့ကို ကောင်စီ၏ ဆုံးဖြတ်ချက်၌ ပါရှိသည်။
သို့သော် ၂၀၂၁ ဖေဖော်ဝါရီ ၁ရက် အာဏာသိမ်းချိန်မှ စ၍ ကုလသမဂ္ဂ၏ တုံ့ပြန်မှုများကို အာရုံစိုက်ထားသည့် ရိုဆန်သဲလ်အစီရင်ခံစာကို နောက်ဆက်တွဲအရေးယူဆောင်ရွက်မှုများ အကောင်အထည်ဖော်ရေး နိုင်ငံတကာကျွမ်းကျင်သူများဦးဆောင်မှုဖြင့် လွတ်လပ်၊ ကျယ်ပြန့်စွာ စုံစမ်းဖော်ထုတ်ရန် NUG က ထပ်လောင်းတောင်းဆိုသည်။
Public Service Announcement
