စစ်ကိုင်းတိုင်း ထီးချိုင့်မြို့နယ်အတွင်း၌ လူလိမ်များနှင့် စစ်ကောင်စီလက်ပါးစေများက ပြည်သူ့ကာကွယ်ရေးတပ်(PDF)၊ ကချင်လွတ်လပ်ရေးတပ်မတော်(KIA) အမည်ခံပြီး ဆက်ကြေးကောက်ခံမှုများ ပြုလုပ်နေသည့်အပေါ် သက်သေနှင့်အတူ တိုင်ကြားရန် Tigyaing Revolution က ထုတ်ပြန်ထားသည်။
ထီးချိုင့်မြို့နယ်အတွင်း ဖုန်းဆက်ခြိမ်းခြောက် ကာ ငွေကြေးတောင်းခံလျှက်ရှိရာ K Pay အကောင့်ပို့ကာ ငွေလွှဲပေးရန်နှင့် မလွှဲပေးလျှင် ဗုံးခွဲမည်ဟု ခြိမ်းခြောက်မှုများရှိနေသည်ဟု ဆိုသည်။
ထိုသို့ ခြိမ်းခြောက်သည့်အဖွဲ့သည် PDF၊ KIA အမည်ခံပြီး ဆက်ကြေးကောက်နေခြင်းဖြစ်ကြောင်း၊ ပြည်သူ့ကာကွယ်ရေးတပ် အနေဖြင့် မည်သည့် အခါတွင်မှ ထိုသို့ပြုလုပ်ခြင်းမရှိကြောင်း ဖော်ပြထားသည်။
“PDFများ နာမည်ပျက်အောင် တမင်ရည်ရွယ် တောင်း စားနေသော လူလိမ်များ၊ပြူစောထီးများ ၊စခ ဘက် တော်သားများသာ ဖြစ်ကြောင်း အသိပေးလိုပါသည်။PDF များသည် ဘယ်တော့မှ ထိုသို့သော အပြုအမှု များကို ပြုလုပ်ခြင်း မရှိသည့်အတွက် ထိုသို့ ဆက်သွယ်တောင်းခံ ခြင်းပြုလုပ်နေသူများကို စုံစမ်းရှာဖွေ အပြစ် ပေးအရေးယူသွားမည်ဖြစ်ကြောင်း အပြင်းအထန်သတိပေးလိုက်ပါသည်”ဟု Tigyaing Revolution က ထုတ်ပြန်သည်။
Public Service Announcement
ပြည်သူများအနေဖြင့် အဆိုပါ အခြေအနေမျိုး ကြုံတွေ့လာပါက ငွေလွှဲခြင်းမပြုဘဲ ဆက်သွယ်လာသူ၏ ဖုန်းနံပါတ်များကို သက်သေနှင့်တကွ အသံဖိုင်ပါအရယူ၍ Tigyaing Revolution ၏ Facebook Page သို့ ပေးပို့ တိုင်ကြားကြရန် အသိပေးထားသည်။
