အာဏာသိမ်းစစ်ကောင်စီခန့် ဗဟိုဘဏ်ဒုတိယဥက္ကဌ ဒေါ်သန်းသန်းဆွေ နေအိမ်တွင် ယနေ့နံနက်ပိုင်းကသေနတ်ဖြင့်ပစ်ခတ်ခံလိုက်ရကြောင်း စုံစမ်းသိရှိရသည်။
ရန်ကုန်မြို့၊ ဗဟန်းမြို့နယ် ရွှေဂုဏ်ရိပ်မွန်အိမ်ရာရှိ နေအိမ်တွင် ယနေ့ နံနက်ပိုင်း ပစ်ခတ်ခံရခြင်းဖြစ်ပြီး သေဆုံးခြင်းရှိမရှိကိုမူမသိရသေးပေ။
ဒေါ်သန်းသန်းဆွေကို မည်သူက၊မည်သည့်အဖွဲ့အစည်းကပစ်ခတ်လုပ်ကြံသည်ကို ယခုအချိန်အထိ့မည်သူကမျှ ထုတ်ပြန်ခြင်းမရှိဘဲ မည့်သူက ပစ်ခတ်သည်ကိုလည်းမသိရှိရပေ။
ဒေါ်သန်းသန်းဆွေသည် အကြမ်းဖက်စစ်ကောင်စီခန့်အပ်ထားသည့် ပြည်ထောင်စုအဆင့် ရာထူးအကြီးပိုင်းပုဂ္ဂိုလ်များတွင် ပထမဦးဆုံး သေနတ်ဖြင့်ပစ်ခံရသူဖြစ်လာသည်။
ဒေါ်သန်းသန်းဆွေသည် ဗဟိုဘဏ်တွင် ပြည်တွင်းဘဏ်များကို ကိုင်တွယ်ရသည့် ဒုတိယဥက္ကဌတစ်ဦးဖြစ်ပြီး ဘဏ်များရှိ အများပြည်သူငွေများကို ကန့်သတ်ခြင်း၊ CDMဘဏ်ဝန်ထမ်းများကို အရေးယူရန် ဖိအားပေး စသည့်တို့ကို ဦးဆောင်ပြုလုပ်ခဲ့သူတစ်ဦး ဖြစ်သည်ဟု ဘဏ်အသိုင်းအဝိုင်းမှသိရသည်။