မန္တလေးမှာ စစ်ကောင်စီတပ်ဖွဲ့ဝင်တွေ ရဲ့ လုံခြုံရေးကင်းတွေ ပစ်ခတ်တိုက်ခိုက်ခံရတာ ခပ်စိတ်စိတ်ဖြစ်လာပြီးနောက် ဒီရက်ပိုင်းပိုင်းမှာ လူငယ်တွေကို စစ်အုပ်စုက ပစ်ခတ်ဖမ်းဆီးတာတွေ လုပ်နေပါတယ်။
ဒီနေ့ မွန်းလွဲပိုင်းက မဟာအောင်မြေမြို့နယ် ၊ ၆၈ လမ်းနဲ့ လမ်း ၄၀ မှာ ဆိုင်ကယ်စီးလာတဲ့ လူငယ် ၂ ဦးကို အိမ်စီးကားနဲ့ လိုက်လံပစ်ခတ်ဖမ်းဆီးခဲ့တယ်လို့သိရပါတယ်။
အဲဒီဖြစ်စဉ်မှာ ဆိုင်ကယ်ပေါ်က လူငယ် တစ်ဦး သေနတ်ဒဏ်ရာရသွားပါတယ်။
ဒီနေ့မနက်ပိုင်းကလည်း ၆၅လမ်း၊ ၂၇လမ်းနဲ့ ၂၈လမ်းကြားမှာ အမျိုးသားနဲ့ အမျိုးသမီးကို သေနတ်နဲ့ပစ်ခတ်ဖမ်းဆီးသွားတယ်လို့သိရပါတယ်။
Public Service Announcement
စစ်ကောင်စီတပ်ဖွဲ့ဝင်တွေဟာ မန္တလေးမြို့ထဲမှာလည်း ကင်းပုန်းဝပ်နေကြပါတယ်။
အထူးသဖြင့် သင်္ကြန်ပြုလုပ်မယ့် စည်ပင်မဏ္ဍပ်ရှိရာ ကျုံးတောင်ဘက်ခြမ်းနဲ့ ကျုံးအရှေ့ဘက်ခြမ်းတို့ကို သွားလာခွင့်မပြုဘဲ ကင်းပုန်းများချထားတာ တယ်လို့သိရပါတယ်။
ဒါအပြင် မြို့ထဲပိုင်းမှာလည်း အရပ်ဝတ်နဲ့ သေနတ်ကိုင်ဆောင်ကာ ကင်းလှည့်တာတွေ ရှိနေပါတယ်။
