မြန်မာပလာဇာရှိ ဦးတေဇ၏မိသားပိုင်ဆိုင်သည့် Harry’s Bar တွင် ယနေ့ ညနေ ၄နာရီခွဲခန့်တွင် ဗုံးပေါက်ကွဲမှုဖြစ်ပွားခဲ့ကြောင်း မျက်မြင်တွေ့ရှိသူများကပြောသည်။
ပေါက်ကွဲမှုကြောင့် လူထိခိုက်ခြင်းမရှိဘဲမှန်များကွဲသွားကြောင်းလည်း သိရသည်။
“မှန်တွေကွဲသွားတယ်၊ ဘားထဲက လူတွေထိခိုက်တာမျိုးမရှိပါဘူး” ဟု ကိုယ်တိုင်မြင်ခဲ့ရသူတစ်ဦးက ပြောသည်။
Harry’s Barသည် စင်ကာပူအခြေစိုက်လုပ်ငန်းဖြစ်သော်လည်း မြန်မာနိုင်ငံတွင် အကြမ်းဖက်စစ်ကောင်စီကို လက်နက်တင်သွင်းပေးသည့် ဦးတေဇ၏မိသားစု ပိုင်ဆိုင်ထားခြင်းဖြစ်သည်။
Public Service Announcement
“Harry’s ကစစ်တပ်နဲ့ဆက်စပ်နေလို့ခွဲတာထင်တယ်။ အခုတော့ အဲ့နားမှာ စစ်တပ်ကောရဲတွေကော အများကြီး ပဲလမ်းပိတ်ပြီးစစ်ဆေးဖို့ရောက်နေတယ်”ဟု ရန်ကင်းမြို့ခံတစ်ဦးက ပြောသည်။
ရန်ကုန်မြို့တွင် ယနေ့ ညနေတွင် ဗုံးပေါက်ကွဲမူများဆက်တိုက်ဖြစ်ပွားနေသည်ဟုလည်း မြို့ခံများထံသိရသည်။
ရန်ကုန်မြို့တွင် အကြမ်းဖက်စစ်ကောင်စီက ပိတ်ဆို့စစ်ဆေးမှုများ အတင်းအကြပ်ပြုလုပ်နေစဉ် ယခုလိုပေါက်ကွဲခဲ့ခြင်းဖြစ်သည်။ ပြည်သူ့ကာကွယ်ရေးတပ်ဖွဲ့များကစစ်ကောင်စီပစ်မှတ်များကို မြို့ပြစစ်ဆင်ရေးအဖြစ် နန်းထိုက်အောင် စစ်ဆင်ရေးဖြင့်အရှိန်မြှင့်တိုက်ခိုက်နေသည်။
