Connect with us

Hi, what are you looking for?

LuduNwayOo

နိုင်ငံတကာ

ထိုင်းတောင်ပိုင်းမှာ ဗုံးကွဲပြီး ၃ ဦးသေ၊ ၄ ဦး ဒဏ်ရာရ

ခွဲထွက်ရေး သူပုန် အဖွဲ့အစည်းတချို့ လှုပ်ရှားနေတာကြောင့် မတည်မငြိမ် အခြေအနေတချို့ ရင်ဆိုင်နေရတဲ့ ထိုင်းတောင်ပိုင်းက ရထားလမ်းဘေး တစ်နေရာမှာ ဗုံးကွဲမှု ဖြစ်ခဲ့တာလို့ ရဲတွေက ဒီဇင်ဘာ ၆ ရက်မှာ ပြောပါတယ်။

ထိုင်းတောင်ပိုင်းမှာ ဗုံးကွဲပြီး ၃ ဦးသေ၊ ၄ ဦး ဒဏ်ရာရ
ထိုင်းတောင်ပိုင်းမှာ ဗုံးကွဲပြီး ၃ ဦးသေ၊ ၄ ဦး ဒဏ်ရာရ

ထိုင်းနိုင်ငံ တောင်ပိုင်းမှာ ဗုံးပေါက်ကွဲမှုကြောင့် လူ ၃ ဦး သေဆုံးသွားပြီး နောက်ထပ် ၄ ဦး ထိခိုက် ဒဏ်ရာ ရခဲ့ကြောင်း သိရပါတယ်။

ခွဲထွက်ရေး သူပုန် အဖွဲ့အစည်းတချို့ လှုပ်ရှားနေတာကြောင့် မတည်မငြိမ် အခြေအနေတချို့ ရင်ဆိုင်နေရတဲ့ ထိုင်းတောင်ပိုင်းက ရထားလမ်းဘေး တစ်နေရာမှာ ဗုံးကွဲမှု ဖြစ်ခဲ့တာလို့ ရဲတွေက ဒီဇင်ဘာ ၆ ရက်မှာ ပြောပါတယ်။

မလေးရှားနဲ့ နယ်စပ်နားက ဆွန်ခလာ ဒေသမှာ မီးရထားလမ်းပြင် လုပ်သား ၇ ဦးဟာ ဗုံးထိမှန်လို့ ပျက်စီးနေတဲ့ ရထားလမ်းပိုင်း တစ်နေရာကို ပြုပြင်ရင်း နောက်ထပ် ဗုံးပေါက်ကွဲမှုနဲ့ ကြုံခဲ့တာလို့ ဆိုပါတယ်။ ပြီးခဲ့တဲ့ သီတင်းပတ်က ဗုံးပေါက်ကွဲခဲ့ရာ နေရာနဲ့ မီတာ ၂၀၀ လောက် အကွာမှာ နောက်ထပ် ဗုံးတစ်လုံးကို ဝှက်ပြီး ထောင်ထားခဲ့တာလို့ သိရပါတယ်။

အခု ပေါက်ကွဲတဲ့ ဗုံးဟာ ပထမဗုံး ထောင်ထားခဲ့ချိန် ကတည်းက အဲဒီနေရာမှာ ရှိနေပြီး သတိမမူမိခဲ့တာ ဖြစ်နိုင်တယ်လို့ ဒေသခံ ရဲတပ်ဖွဲ့ရဲ့ ရဲမှူးကြီး ချတ်ချိုင် ချာနာဆစ်က ပြောပါတယ်။ မီးရထားလမ်းပြင် လုပ်သားတွေထဲမှာ ၃ ဦးက အသက်ဆုံးရှုံးသွားပြီး ကျန်တဲ့ ၄ ယောက်ကတော့ ဒဏ်ရာတွေ ရခဲ့ကြပါတယ်။ အဲဒီ ဧရိယာ တဝိုက်မှာ နောက်ထပ် ထောင်ထားတဲ့ ဗုံးတော့ ရှာမတွေ့တော့ဘူးလို့ ချာနာဆစ်က အတည်ပြုသွားပါတယ်။

ထိုင်းနိုင်ငံ တောင်ပိုင်း နယ်မြေတချို့မှာ ၂၀၀၄ ခုနှစ်ကစလို့ အုံနဲ့ကျင်းနဲ့ မဟုတ်တဲ့ လက်နက်ကိုင် ခွဲထွက်ရေး လှုပ်ရှားမှုတွေ ပေါ်ပေါက်နေပါတယ်။ မွတ်ဆလင် အများစု နေထိုင်ရာ ဒေသတွေက ခွဲထွက်ရေး သူပုန်တွေဟာ ပိုမို ထိရောက်တဲ့ ကိုယ်ပိုင် အုပ်ချုပ်ခွင့်မျိုး ရရှိဖို့ လက်နက်ကိုင် တောင်းဆိုနေပါတယ်။

You May Also Like

သတင်း

ရနောင်း ထိုင်းလဝက ထိန်းသိမ်းရေးစခန်းမှာ ထိန်းသိမ်းခံရတဲ့ မြန်မာနိုင်ငံသားတွေဟာ နေထိုင်စားသောက်ရေးခက်ခဲပြီး လူ့အခွင့်အရေးချိုးဖောက်မှုတွေကြုံရတာကြောင့် မြန်မာပြည်ပြန်ခွင့်ရဖို့ ပြီးခဲ့တဲ့ ရက်ပိုင်းက အစာငတ်ခံဆန္ဒပြခဲ့ကြပါတယ်။

သတင်း

အကြမ်းဖက်စစ်ကောင်စီကိုယ်စားလှယ်အဖွဲ့ကို နိုင်ငံခြားရေးဝန်ကြီး ဝဏ္ဏမောင်လွင်က ဦးဆောင်လာပြီး အခြားစစ်ကောင်စီဝန်ကြီးများလည်း တက်ရောက်ခဲ့ကြောင်း ထိုင်းအစိုးရသတင်းရင်းမြစ်တစ်ဦးက Reuters သို့ ပြောသည်။

သတင်း

စစ်အာဏာရှင်ဆန့်ကျင်ရေးရန်ကုန်အင်အားစု - AJAY မှ ကိုနန်းလင်းကလည်း မြန်မာ့အရေးအဖြေမထွက်သည်မှာ အာဆီယံအဖွဲ့ကြီး၏ ချဥ်းကပ်နေသော မူဝါဒများနှင့် ထိုင်းနိုင်ငံ အပါအဝင် အာဆီယံအဖွဲ့ဝင်နိုင်ငံအချို့က စစ်ကောင်စီကို အရာပေး၊ နေရာပေး ချော့မြူပြီး မီးစတစ်ဖက် ရေမှုတ်တစ်ဖက် လုပ်ကိုင်နေမှုများကြောင့် ဖြစ်သည်ဟု သုံးသပ်သည်။

နိုင်ငံတကာ

PKKကတော့ အစ္စတန်ဘူလ်က ဗုံးခွဲမှုဟာ သူတို့နဲ့ ဘယ်လိုမှ မပတ်သက်ကြောင်း ငြင်းဆိုထားပါတယ်။ တူရကီ အစိုးရဟာ PKKကို အကြမ်းဖက် အဖွဲ့အစည်းအဖြစ် သတ်မှတ်ထားပြီး အမေရိကန်နဲ့ ဥရောပ သမဂ္ဂတို့ကလည်း အလားတူ သတ်မှတ် ကြေညာထားကြပါတယ်။