ယခုကဲ့သို့ ခက်ခဲသည့်ကာလတွင် မြန်မာပြည်သူများနှင့် တသားတည်းရှိနေကြောင်း နော်ဝေးသံရုံးက ထုတ်ပြန်သည်။
“နှစ်သစ်က မြန်မာပြည်သူလူထုအတွက် ပိုမိုကောင်းမွန်တဲ့အရာတွေ ဆောင်ကြဉ်းပေးလာမယ်လို့ မိမိတို့မျှော်လင့်ပါတယ်” ဟု မြန်မာနိုင်ငံဆိုင်ရာ နော်ဝေးသံရုံးက ဆိုသည်။
နှစ်သစ်ကူး သင်္ကြန်ပွဲတော်သည် မြန်မာနိုင်ငံ၌ အထူးခြားဆုံး အားလပ်ရက်များထဲမှ တစ်ခုဖြစ်ပြီး နိုင်ငံတဝန်းလုံးတွင် ကျင်းပလေ့ရှိသော်လည်း ကိုဗစ်-၁၉ ကူးစက်မှုများ စတင်လာချိန်၊ ပြီးခဲ့သည့်နှစ် စစ်တပ်အာဏာသိမ်းမှု စတင်ခဲ့ချိန်ကတည်းက ပြင်းထန်ခက်ခဲသော စိန်ခေါ်မှုများနှင့် ရင်ဆိုင်နေရကြောင်း သံရုံးက ထုတ်ပြန်သည်။
အကြမ်းဖက်စစ်ကောင်စီသည် ရွာလုံးကျွတ်မီးရှို့ခြင်း၊ တိုင်းရင်းသားဒေသများကို ဗုံးကြဲတိုက်ခိုက်ခြင်း၊ ပြည်သူများကို သတ်ဖြတ်ခြင်း၊ ဖမ်းဆီးနှိပ်စက်ခြင်း စသည့် လူမဆန်သောရာဇဝတ်မှု များကို ကျူးလွန်နေသည့်တပြိုင်နက် မကြာခင်ကျရောက်မည့် သင်္ကြန်ပွဲတော်ကိုလည်း ပုံမှန်အတိုင်းကျင်းပရန် စီစဉ်နေသည်။
Public Service Announcement
သို့ရာတွင် တော်လှန်ရေးအင်အားစုများက အကြမ်းဖက်စစ်ကောင်စီလက်အောက် သင်္ကြန်ပွဲတော်ကို ပါဝင်ဆင်နွှဲခြင်းမပြုရန်နှင့် အကြမ်းဖက်စစ်ကောင်စီ၏ မဏ္ဍပ်များကို တိုက်ခိုက်မှုများ လုပ်ဆောင်သွားမည်ဟု သတိပေးထားသည်။
လူ့အခွင့်အရေးကို ကာကွယ်ရင်း ကျဆုံးခဲ့သူများ၊အရပ်သားဆန္ဒပြပွဲများကို စစ်တပ်က ဖြိုခွင်းသဖြင့် အသက်ဆုံးရှုံးခဲ့ရသူများအား ရည်စူးပြီး နှင်းဆီပန်း ၁၃၂၃ကို နော်ဝေသံရုံးက ၂၀၂၁ ဒီဇင်ဘာ ၁၀ရက်တွင် ခင်းကျင်းဂုဏ်ပြုခဲ့သည်။
