Connect with us

Hi, what are you looking for?

LuduNwayOo

News

သံအမတ်များကို မင်းအောင်လှိုင်နှင့်တွေ့ဆုံစေမည့်အစား NUG ကို တရားဝင်အသိအမှတ်ပြုရန် နိုင်ငံတကာကို SAC-M တိုက်တွန်း

အိန္ဒိယ၊ ဩစတြေးလျနှင့် ဆော်ဒီအာရေဗျနိုင်ငံများအနေဖြင့် ဗြိတိန်၊ အမေရိကန်၊ အီးယူနှင့် ကနေဒါကဲ့သို့ မင်းအောင်လှိုင်နှင့် အခြားသော စစ်ခေါင်းဆောင်များကို ပုဂ္ဂိုလ်ရေးပိတ်ဆို့ ဒဏ်ခတ်မှုများလုပ်ဆောင်ရန်လည်း SAC-M က တောင်းဆိုသည်။

နိုင်ငံတကာအသိုင်းအဝိုင်းသည် ၎င်းတို့၏ သံအမတ်များကို စစ်ခေါင်းဆောင်မင်းအောင်လှိုင်နှင့် တွေ့ဆုံစေမည့်အစား NUG တရားဝင်အသိအမှတ်ပြုကာ စစ်ကောင်စီကို ဖြတ် ၃ ဖြတ် ချမှတ်ရန် ကုလသမဂ္ဂကျွမ်းကျင်သူများအဖွဲ့ SAC-M က ယနေ့ တိုက်တွန်းထုတ်ပြန်သည်။

မင်းအောင်လှိုင်၏ အကြမ်းဖက်စစ်တပ်က မြေပြင်တွင် အရပ်သားများကို သတ်ဖြတ်ခြင်း၊ ကျေးရွာများကို မီးရှို့ခြင်းများ ကျူးလွန်နေချိန်၌ နိုင်ငံတကာအစိုးရများက ၎င်းတို့၏ သံအမတ်များကို အကြမ်းဖက်စစ်ခေါင်းဆောင်နှင့်တွေ့ဆုံစေမှုကို SAC-M က ကန့်ကွက်ထုတ်ပြန်လိုက်ခြင်းဖြစ်သည်။

ပြီးခဲ့သည့်ရက်ပိုင်းအတွင်း ဩစတြေးလျသံအမတ်၊ အိန္ဒိယသံအမတ်နှင့် ဆော်ဒီအာရေဗျသံအမတ်တို့က အကြမ်းဖက် စစ်ခေါင်းဆောင်မင်းအောင်လှိုင်ကို သွားရောက်တွေ့ဆုံပြီးနောက် ယင်းတွေ့ဆုံမှုများက ရှက်ဖွယ်ကောင်းသော တွေ့ဆုံမှုများဖြစ်ကြောင်းနှင့် အမှားဘက်၌ ရပ်တည်မှုအဖြစ် သမိုင်းတွင်ကျန်ရစ်မည်ဖြစ်ကြောင်း SAC-M က ထုတ်ပြန်သည်။

“မြန်မာပြည်သူတွေဟာ အာဏာရှင်ဝါဒကို အလျှော့ပေးရေး သူတို့ကို ဖိအားပေးဖို့ ရည်ရွယ်တဲ့ အတွင်းအင်အားစုကနေ သူတို့ကိုသူတို့ ခုခံကာကွယ်ဖို့နဲ့ သူတို့ရဲ့ ဒီမိုကရေစီအတွက် အလုံးစုံရုန်းကန်နေရပါတယ်” ဟု SAC-M အဖွဲ့ဝင် ယန်ဟီးလီက ပြောသည်။

Public Service Announcement

Public Service Announcement

အိန္ဒိယ၊ ဩစတြေးလျနှင့် ဆော်ဒီအာရေဗျနိုင်ငံများအနေဖြင့် ဗြိတိန်၊ အမေရိကန်၊ အီးယူနှင့် ကနေဒါကဲ့သို့ မင်းအောင်လှိုင်နှင့် အခြားသော စစ်ခေါင်းဆောင်များကို ပုဂ္ဂိုလ်ရေးပိတ်ဆို့ ဒဏ်ခတ်မှုများလုပ်ဆောင်ရန်လည်း SAC-M က တောင်းဆိုသည်။

ထို့အပြင် အပြည်ပြည်ဆိုင်ရာ လက်ခံနိုင်သော စံနှုန်းသတ်မှတ်ချက်များအရ အမျိုးသားညီညွတ်ရေးအစိုးရ NUG ကို တရားဝင်အစိုးရတရပ်အဖြစ် အသိအမှတ်ပြုသင့်ပြီး မြန်မာ့အကျပ်အတည်းအဆုံးသတ်ရေးအတွက် နိုင်ငံတကာအသိုင်းအဝိုင်းက NUG နှင့် ပူးပေါင်းလုပ်ဆောင်သင့် ကြောင်း SAC-M က တိုက်တွန်းသည်။

တချိန်တည်းတွင် တရားမဝင်အကြမ်းဖက်စစ်ကောင်စီကို စစ်လက်နက်ထောက်ပံ့မှုနှင့် ငွေကြေးစီးဝင်စေမှု ဖြတ်တောက်ရန်၊ မြန်မာနိုင်ငံအခြေအနေကို နိုင်ငံတကာရာဇဝတ်ခုံရုံးသို့ လွှဲပြောင်း ပေးရန် SAC-M က တောင်းဆိုသည်။

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

နိုင်ငံတကာ

ဇူလိုင် ၂ ရက်နေ့ အစည်းအဝေး အစီအစဉ်မှာ ကုလသမဂ္ဂ အရာရှိတွေဟာ အာဖဂန် အခြေစိုက် အရပ်ဖက် အဖွဲ့အစည်းတွေနဲ့ သီးခြားတွေ့ဆုံမှုတွေတော့ ရှိခဲ့ပါတယ်။

သတင်း

လုံခြုံရေးကောင်စီအနေဖြင့်လည်း အဆိုပါအသက်ဆုံးရှုံးမှုများနှင့် မြန်မာအရပ်သားပြည်သူများအား အကာအကွယ်ပေးရန် ပျက်ကွက်ခြင်းတို့အတွက် တာဝန်ရှိသည်မှာ ရှင်းလင်းမြင်သာကြောင်း သံအမတ်ကြီးက ထောက်ပြသည်။

အတွေးအမြင်

ကြိုတင်ပြင်ဆင်ပြီးထားခြင်းမရှိခဲ့ဘဲ ရုတ်တရက် မျက်နှာပြောင်တိုက်မှဖြစ်တော့မယ့် ပြဿနာတစ်ခုက နေပြည်တော်က အာဏာလုထားတဲ့ စစ်ဗိုလ်ချုပ်​တွေကြား ဇွန် ၂၀ ရက်ကစ​ရောက်လာတာပါ။