မြ၀တီ-ကော့ကရိတ်အာရှလမ်းမကြီးပေါ်မှာ ဒီကနေ့မနက်ပိုင်းက သွားလာနေတဲ့ ယာဉ်တချို့ မီးရှို့ဖျက်ဆီးခံရခဲ့တယ်လို့ ခရီးသည်တွေထံကနေ သိရပါတယ်။
ဒီကနေ့ ဧပြီ ၁၃ ရက်မနက်ပိုင်းအချိန်က အာရှလမ်းမတစ်နေရာမှာ ကားသုံးစီးနဲ့ ဆိုင်ကယ်တစ်စီး မီးရှို့ဖျက်ဆီးခံခဲ့ရတယ်လို့ အာရှလမ်းမမှာသွားလာနေတဲ့ ခရီးသွားတစ်ဦးက ဆိုပါတယ်။
ဒီမီးရှို့ဖျက်ဆီးခံရမှုဟာ ဘယ်အဖွဲ့က လုပ်ဆောင်သွားတယ်ဆိုတာတော့ လတ်တလောမှာ မသိရှိရသေးပါဘူး။
အာရှလမ်းမမှာ သွားလာနေတဲ့ ခရီးသွားတွေအနေနဲ့ သတိထားပြီး သွားလာကြဖို့ ခရီးသွားတွေအချင်းချင်း အသိပေးထားပါတယ်။
Public Service Announcement
အာရှလမ်းပိုင်းမှာသွားလာနေတာတွေ မပြုလုပ်ဖို့အတွက် ကေအဲန်ယူက စာထုတ်ပြန်ပြီးတဲ့နောက် အာရှလမ်းပိုင်းမှာ ယာဉ်တွေမီးရှို့ခံနေရသလို သွားလာနေတဲ့ ခရီးသွားတွေလည်း ပစ်ခတ်ခံခဲ့ရပါတယ်။
မြ၀တီ-ကော့ကရိတ်အာရှလမ်းမကြီးကို ပြည်သူတွေအနေနဲ့ သွားလာတာတွေ ယာယီရပ်ဆိုင်းထားဖို့ ကေအဲန်ယူ-ကော့ကရိတ်မြို့နယ်က ပြီးခဲ့တဲ့လကုန်ပိုင်းက ထုတ်ပြန်ကြေငြာထားတာဖြစ်ပါတယ်။
