'/%3E%3C/svg%3E){kind=small}
ကရင်အမျိုးသားအစည်းအရုံး(KNU) တပ်မဟာ(၅) နယ်မြေ မထောရွာအခြေစိုက် အမှတ်(၈) စစ်ဆင်ရေးကွပ်ကဲမှု လက်အောက်ခံ ခမရ(၄၀၈)နှင့် နယ်ခြားစောင့်တပ်ဖွဲ့တို့က လက်နက်ကြီးဖြင့် ပစ်ခတ်ခဲ့၍ ကလေးငယ် နှစ်ဦးနှင့် သက်ကြီးရွယ်အိုတစ်ဦးအပါအဝင် အရပ်သားပြည်သူ လေးဦး ထိခိုက်ဒဏ်ရာရရှိခဲ့သည်ဟု တပ်မဟာ (၅)က သတင်းထုတ်ပြန်သည်။
ယနေ့ (ဧပြီ၁၃)ရက် နံနက် ၁၁နာရီခွဲခန့်တွင် စစ်ကောင်စီတပ်များက မယ်ညုကျေးရွာအုပ်စု၊ ထိုခေးလိုကျေးရွာအတွင်းသို့ (၈၁)မမဖြင့် တမင်ရည်ရွယ်ပစ်ခတ်ခဲ့ရာ ပြည်သူလေးဦး အပြင်းအထန် ဒဏ်ရာရခဲ့သည်ဟု ဆို သည်။
ထိခိုက်ဒဏ်ရာရသူများမှာ အသက်(၁၁)နှစ်အရွယ် မိန်းကလေးငယ်တစ်ဦး ညာဖက်ပေါင် ဒဏ်ရာရပြီး (၁၂)နှစ်အရွယ် မိန်းကလေးငယ်မှာ ညာလက်မောင်း၌ ဒဏ်ရာရခဲ့သည်ဟုဆိုသည်။ ထို့ပြင် (၃၃)နှစ်အရွယ်နှင့် (၆၀) ကျော်သက်ကြီးရွယ်အို တစ်ဦးတို့လည်း ဒဏ်ရာရခဲ့သည်ဟု ဖော်ပြထားသည်။
စစ်ကောင်စီတပ်သည် ညနေပိုင်းတွင်လည်း မယ်ညုကျေးရွာအုပ်စုအတွင်းရှိ နိုဖောထီးနှင့် ထိုခေးလိုကျေးရွာအတွင်းသို့ လက်နက်ကြီးဖြင့် သုံးချက် တမင်ရည်ရွယ်ပစ်ခတ်ခဲ့ရာ လူထိခိုက်သေဆုံးမရှိသော်လည်း ဒေသခံ ပြည်သူလူထု၏ နွား(၆)ကောင် ထိမှန်သေဆုံးကာ (၃)ကောင်ဒဏ်ရာရခဲ့သည်ဟု ထုတ်ပြန်ခဲ့သည်။
Public Service Announcement
ယခင်ကလည်း စစ်ကောင်စီတပ်နှင့် BGFတပ်များ၏ လက်နက်ကြီး ရမ်းသန်းပစ်ခတ်မှုများကြောင့် ဒေသခံ ပြည်သူများ သေဆုံးထိခိုက်မှု မကြာခဏ ဖြစ်ခဲ့သည်။
