ရန်ကုန်မြို့ မြောက်ဒဂုံမြို့နယ်ရှိ ပြည်ထောင်စုလမ်းမပေါ်တွင် ပဒေသာမိုင်းအလုံး ၃၀ ထပ်မံဖောက်ခွဲသွားမည်ဖြစ်ကြောင်း မြို့ပြပြောက်ကျားအဖွဲ့ Little Herosက ယနေ့(ဧပြီ ၁၄ ရက်) သတိပေးထုတ်ပြန်သည်။
မြောက်ဒဂုံမြို့နယ် ပြည်ထောင်စုလမ်းမပေါ်တွင် စစ်ကောင်စီအားရည်ရွယ်တိုက်ခိုက်ခဲ့သော ဧပြီ ၁၁ရက်ညပိုင်းဖြစ်စဥ်နှင့်ဆက်စပ်သောဆင့်ကဲ ဖောက်ခွဲမှု ဖြစ်လာမည်ဟု ဆိုသည်။
“တော်လှန်ရေး အရှိန်အဟုန် မြင့်တက်လာသည်နဲ့အမျှ တော်လှန်ရေးတွင်သုံးသော ပစ္စည်းများမှာလည်း ပြင်းအားမြင့်ပစ္စည်းများဖြစ်လာပါသည်။ ကျွန်တော်တို့ တော်လှန်ရေးအင်အားစုတွေအနေဖြင့် ပြည်သူလူထုထိခိုက်မှာ စိုးသောကြောင့် ဖောက်ခွဲရန် နှင့် ခွေးသတ်ရန် အဆင့်သင့်ဖြစ်နေချိန်နေများတွင် ဖောက်ခွဲမှုများမလုပ်ပဲ ဖျက်သိမ်းရတာသည်များမှာလည်း များလာသည်”ဟု Little Heros က ပြောသည်။
ထို့အပြင် ဖောက်ခွဲမှုတစ်ခုပြုလုပ်ရန် လူအင်အား ၊ငွေအင်းအားအပြင် များစွာသောတွက်ချက်မှုများပြုလုပ်ပြီးမှသာ စတင်ရခြင်းကြောင့် ပြည်သူများအထူးသတိပြုရန် တိုက်တွန်းသည်။
ပေါက်ကွဲသံများကြားရပါက ထိုနေရာအနီးတစ်ဝိုက် ဖြတ်သန်းသွားလာခြင်းမပြုရန် နှင့်အိတ်အမဲ သို့မဟုတ် တခြားဖောက်ခွဲရေးပစ္စည်းပုံစံများအား စပ်စုခြင်း ကောက်ယူခြင်းများမပြုလုပ်ကျပါရန်လည်း သတိပေးသည်။
သို့သော် မည်သည့်နေ့ရက်တွင် ဖောက်ခွဲတိုက်ခိုက်သွားမည်ဆိုသည်ကို ဖော်ပြမထားပေ။
ဧပြီ ၁၁ ရက်ကလည်း မြောက်ဒဂုံမြို့နယ်တွင် ပဒေသာမိုင်းအလုံး ၂၀ဖြင့် စစ်ကောင်စီတပ်ကို Little Heros နှင့် UG Urban Gurellia Defence Force အပါအဝင် မဟာမိတ်ညီကိုရဲဘော်အဖွဲ့မှ တိုက်ခိုက်ခဲ့ရာ စစ်ကောင်စီတပ်သားသုံးဦး ထိခိုက်ကာ စစ်ကားတစ်စီးပျက်စီးခဲ့သည်ဟု ထုတ်ပြန်ထားသည်။