▪️စစ်ကောင်စီတပ်က နှစ်ဖက်ညှပ်တိုက်၍ ကန်ပက် လက် CDF ထိခိုက်မှုရှိဟု အသိပေး
မကွေးတိုင်း ဆောမြို့နယ်နှင့် ချင်းပြည်နယ် ကန်ပက် လက်အကြား၌ ယမန်နေ့က တိုက်ပွဲဖြစ်ပွားခဲ့ပြီး စစ်ကောင်စီတပ်က စစ်ကြောင်းနှစ်ကြောင်းဖြင့် ညှပ်၍ တိုက်ခိုက်လာခြင်းဖြစ်သည်ဟု ကန်ပက်လက် ချင်းဒေသကာကွယ်ရေးတပ်(CDF)က သတင်းထုတ်ပြန် သည်။
ဧပြီ ၂၁ ရက်တွင် ဆောမြို့မှ ကန်ပက်လက်မြို့နယ်ဘက်သို့ အင်အား ၆၀ကျော်ဖြင့် စစ်ကြောင်းထိုးတက်လာသည့် စစ်ကောင်စီတပ်နှင့် ကန်ပက်လက်မြို့ပေါ်၌ တပ်စွဲထားသည့် အင်အား ၈၀ခန့်ရှိ စစ်ကောင်စီတပ်တို့ တိုက်ပွဲဖြစ်ခဲ့ရာ လက်နက်အင်အား၊ကျည်အင်အားမမျှခြင်းနှင့် နှစ်ဖက်ညှပ် တိုက်ခံရခြင်းများကြောင့် ကန်ပက်လက် CDF ဘက်မှ အထိအခိုက်များရှိဟု ဖော်ပြထားသည်။
စစ်ကောင်စီတပ်မှ ထိခိုက်မှုအခြေအနေကို ဖော်ပြမထားပေ။ တိုက်ပွဲအခြေအနေဆက်လက်ပြင်းထန်နိုင်ဖွယ်ရှိနေသောကြောင့်အချက်အလက်အပြည့်အစုံ မထုတ်ပြန်နိုင်သေးကြောင်း၊ ပြည်သူများအနေဖြင့် ဆောနှင့် ကန်ပက်လက်ကြား လုံး၀သွားလာခြင်းမပြရန် အသိပေးကြောင်း ကန်ပက်လက် CDFက ထုတ်ပြန်သည်။
Public Service Announcement
ပြီးခဲသည့် မတ်လလယ်ကလည်း စစ်ကောင်စီတပ်၏ ထိုးစစ်ကြောင့် ကန်ပက်လက် CDF၏ တပ်မဟာဌာန ချုပ်နေရာကို စွန့်လွှတ်ခဲ့ရသည်ဟု CDFက အသိပေးထားသည်။
