●ကျည်ဆံများနှင့်ဗုံးအချို့ သိမ်းဆည်းရမိ
ကလေးမြို့တောင်ပိုင်း၊ မြစ်သာမြစ်အရှေ့ဘက်ကမ်းတွင် ဒေသခံကာကွယ်ရေးတပ်များနှင့် အကြမ်းဖက်စစ်ကောင်စီတပ်တို့ကြား ဧပြီ ၂၂ ရက်က တနေ့ကုန်တိုက်ပွဲဖြစ်ပွားခဲ့ပြီး အကြမ်းဖက်စစ်ကောင်စီတပ်နှင့် ပျူစောထီး ၂၀ခန့်ကျော်သေဆုံးကြောင်း ကလေးပြည်သူ့ကာကွယ်ရေးတပ်- (PDF-ကလေး)က ယနေ့ညနေပိုင်းတွင် သတင်းထုတ်ပြန်သည်။
ကလေးမြို့တောင်ပိုင်း ကျောက်ပြုတ်ရွာနှင့် အင်ကျွန်းရွာတို့တွင် တပ်စွဲထားသည့် စစ်ကောင်စီနှင့်ပျူစောထီးတပ်များသည် ဧပြီ ၂၂ ရက် နံနက် ၁၀ နာရီခန့်တွင်စစ်ကြောင်း သုံးကြောင်း အင်အား၂၅၀ ခန့်ဖြင့် ရေရှင်ရွာဘက်ကို ထိုးစစ်ဆင်လာ၍ ဒေသခံကာကွယ်ရေးတပ်များနှင့် ညနေ ၇ နာရီအထိ့ တစ်နေကုန်တိုက်ပွဲပြင်းထန်စွာဖြစ်ပွားခဲ့သည်ဟုဖော်ပြထားသည်။
ရေရှင်ရွာနှင့် အင်ကျွန်းရွာကြားတွင်PDF Kalay၊ CDF-KKGRKDF နှင့် ပကဖ ပူးပေါင်းအဖွဲ့များကအကြမ်းဖက်စစ်ကောင်စီတပ်ကို တိုက်ခိုက်ခဲ့သည်။
Public Service Announcement
အကြမ်းဖက်စစ်အုပ်စုသည် ရေရှင်ရွာတောင်ဘက်မှသာမက ကြံသာရွာဘက်မှတဆင့် မြစ်သာမြစ်အနားထိ တိုးလာပြီး ဟံသာဝတီရွာဘက်မှလည်း လက်နက်ကြီးပစ်ကူပေးခဲ့ကြောင်း ထုတ်ပြန်ချက်၌ ဖော်ပြသည်။
နံနက် ၁၀ နာရီကျော်မှ ညနေ ၇ နာရီခန့်အထိ့တနေကုန်နီးပါးကြာမြင့်ခဲ့သည့် တိုက်ပွဲတွင်း စစ်ကောင်စီဘက်မှ အရာရှိအဆင့် ၃ဦးအပါအဝင် စစ်သားနှင့် ပျူစောထီး ၂၀ ခန့်သေဆုံးခဲ့ကြောင်း ကလေးPDFကထုတ်ပြန်သည်။
အဆိုပါတိုက်ပွဲတွင် CDF-KKG ကယနေ့မနက်ပိုင်းထုတ်ပြန်ရာတွင်စစ်ကောင်စီတပ်က၁၀ ဦးထက်မနည်းသေဆုံးကာ PDF ကလေူ တပ်ရင်း (၇) မှရဲဘော်တစ်ဦးကျဆုံးခဲ့ကာ ကျန်ရဲဘော်နှစ်ဦး ဒဏ်ရာရရှိခဲ့ကြောင်း ဖော်ပြအသိပေးခဲ့သည်။
ကလေး PDF ကယနေ့ညနေ သတင်းအပြည့်အစုံထုတ်ပြန်ရာတွင် စစ်ကောင်စီတပ်မှ ၂၀ ဦးသေဆုံးပြီး ကလေးPDF ရဲဘော်တစ်ဦးကျဆုံးခဲ့ကာ စစ်ကောင်စီတပ်မှခဲယမ်းနှင့်စစ်သုံးပစ္စည်းများသိမ်းဆည်းရမိကြောင်းပုံနှင့်တစ်ကွဖော်ပြထားသည်။ PDF(ကလေး)က နယ်မြေရှင်းလင်းရာတွင် စစ်ကောင်စီအလောင်းအချို့နှင့် ၅ဒသမ ၅၆ ကျည် ၂၂၄ တောင့်၊ အူဇီကျည် ၆၁ တောင့်၊ အူဇီကျည်အိမ် ၂ ခု၊ အီနာဂါ ဗုံးသီး ၃ လုံး၊ ဖုန်း တစ်လုံးနှင့် စကားပြောစက် တစ်လုံးတို့ကို သိမ်းဆည်းရမိသည်ဟု ထုတ်ပြန်သည်။
ယမန်နေ့ညနေ ၆ နာရီခန့်တွင် အကြမ်းဖက်စစ်အုပ်စုက အင်ကျွန်းရွာဘက်သို့ ပြန်လည်ဆုတ် ခွာ သွားပြီး ရေရှင်ရွာမှ ပြည်သူ့နေအိမ် ခုနှစ်လုံး မှာ စစ်ကောင်စီ၏ လက်နက်ကြီး ကြောင့် ပျက်စီးခဲ့ကြောင်း သိရသည်။
“ဖုန်းလိုင်းနဲ့ အင်တာနက်တွေ ဖြတ်တောက်ထားလို့ တိုက်ပွဲ အခြေအနေတွေ ထပ်မသိရသေးဘူး၊ စစ်ရေးက တင်းမာနေဆဲလို့ကြားရတယ်။ အင်ကျွန်းရွာဘက်မှာ စစ်ကောင်စီတပ်တွေ အင်အားဖြည့်နေတယ်”ဟု ကလေးမြို့ ဒေသခံကာကွယ်ရေးတပ်များနှင့်နီးစပ်သူတစ်ဦးကပြောသည်။
ထိုတိုက်ပွဲကို CDF(KKG)၊ PDF(ကလေး)၊ ရိန်းဂျားကလေးပြည်သူကာကွယ်ရေးတပ် -RKDF နှင့် ပကဖ (ပြည်သူ့ကာကွယ်ရေးတပ်)တို့က ပူးပေါင်းတိုက်ခိုက်ခဲ့ခြင်းဖြစ်သည်။
လက်ရှိတွင် အကြမ်းဖက်စစ်ကောင်စီတပ်နှင့် ပျူစောထီးများ ထိုးစစ်ဆင်နေခြင်းကြောင့် ရေရှင်ရွာမှ ဒေသခံပြည်သူများသည် စစ်ဘေးရှောင်နေရသည်ဟု CDF(KKG)က ထုတ်ပြန်ထားသည်။
