မြန်မာ-ထိုင်းနယ်စပ် မြဝတီမြို့ဘက်ခြမ်းမှာရှိတဲ့ မြဝတီ-မဲဆောက် အမှတ်(၁)ချစ်ကြည်ရေးတံတားမှာ ယနေ့ည ၁၀ နာရီခွဲအချိန်မှာ ပြင်းထန်တဲ့ ပေါက်ကွဲမှုဖြစ်ပွားခဲ့တယ်လို့ဒေသခံတွေက ပြောပါတယ် ။
ကျယ်လောင်သောပေါက်ကွဲသံကို မြဝတီတစ်မြို့လုံးရော၊ထိုင်းနိုင်ငံဘက်ခြမ်းမှာရှိတဲ့ မဲဆောက်မြို့ရော ကြားလိုက်ရတယ်လို့လည်းဒေသခံအချို့ကပြောပါတယ်။ပေါက်ကွဲမှုကြောင့် ပြင်းပြင်းထန်ထန်ထိ့ခိုက်ပျက်စီးနေတဲ့ကားအစိပ်အပိုင်းအချို့ ကို မီးငြှိမ်းသတ်နေတဲ့ဓါတ်ပုံနဲ့ပျက်စီးနေတဲ့အဆောက်အအုံအချို့ ရဲ့သတင်းဓါတ်ပုံတွေ ဖေစ်ဘွခ်လူမှုကွန်ယက်မှာပေါ်မှာ တက်လာတာတွေ့ရပါတယ်။ပေါက်ကွဲမှုကြောင့် လူသေဆုံးမှုတွေရှိနိုင်တယ်လို့လည်း သိရပါတယ်။
ပေါက်ကွဲမှုဖြစ်ပြီးတဲ့နောက်မှာ မြဝတီမြို့က အခြားနေရာအချို့မှာလည်း ပစ်ခတ်မှုနဲ့ ပေါက်ကွဲမှုတချို့ အသံတွေကြားရတယ်လို့လည်း ဒေသခံအချို့က ပြောပါတယ်။
“မအလက ထိုင်းနဲ့ရန်တိုက်ပေးတဲ့ ငညွန့်အကွက်တွေထုတ်သုံးနေပြီ ဒီလောက်ပြင်းတဲ့မိုင်း PDF တွေလက်ထဲရှိရင် မြဝတီစခန်းပြာဖြစ်တာကြာပေါ့။ခုက ချစ်ကြည်ရးတံတားကို မိုင်းခွဲတာဆိုတော့စဥ်းစားသာကြည့်တော့ ထိုင်းနယ်စပ်ရောက်နေတဲ့ PDF တွေက ထိုင်းနဲ့တဲ့အောင် နေမလား ထိုင်းနဲ့ရန်ဖြစ်အောင်နေမလား အဖြေကရှင်းရှင်းလေးပဲ။ ထိုင်းနယ်စပ်မှာအစစ်အဆေးကြမ်းလာအောင်နဲ့ ထိုင်းစစ်တပ်ကို တွေ့လားPDF တွေက အကြမ်းဖက်သမားတွေ လက်မခံနဲ့မောင်းထုတ်ဆိုပြီး သွယ်ဝိုက်ကြပ်ပေးလိုက်တဲ့ ငညွန့် အကွက်တွေပေါ့” ဟုထိုင်းရောက်မြန်မာလုပ်သားအရေးတက်ကြွစွာဆောင်ရွက်ပေးနေသလို ၊ နွေဦးတော်လှန်ရေးမှာ ရန်ပုံငွေရှာဖွေရေးအတွက် တက်ကြွစွာကူညီလုပ်ကိုင်ပေးနေတဲ့ ကိုရဲမင်း(AAC)ကလည်း သူ့အမြင်ကို၎င်းရဲ့ဖေ့စ်ဘွတ်ခ်မှာသုံးသပ်ရေးသားထားပါတယ်။