ထားဝယ်-ထီးခီးလမ်းပိုင်းရှိ ပကာရီရဲစခန်းကို PDF ပူးပေါင်းတပ်က ဝင်ရောက်စီးနင်းကာ မီးရှို့ဖျက်ဆီးလိုက်ကြောင်း တနသ်ာရီ စစ်ဒေသခွဲကွပ်ကဲရေးအဖွဲ့က ယနေ့(ဧပြီ ၂၄)နေ့လယ်ပိုင်းတွင် ထုတ်ပြန်သည်။
အကြမ်းဖက်စစ်ကောင်စီလက်အောက်ခံ ပကာရီရဲစခန်းစီးနင်းခံရပြီးနောက် ထားဝယ်-ထီးခီးလမ်းပိုင်းသို့ စစ်ကောင်စီတပ်မှ အင်အားအ များအပြားရောက်လာနေပြီး အချိန်မရွေးနှစ်ဖက်တိုက်ပွဲဖြစ်ပွားနိုင်ကြောင်း အသိပေးထား သည်။
ထို့ကြောင့် ယင်းလမ်းပိုင်းအား အသုံးပြုမှုခေတ္တရပ်ဆိုင်းထားရန် မြေပြင် PDF ပူးပေါင်းတပ်များက သတိပေးထားကြောင်း ထုတ်ပြန်ချက်တွင် ဖော်ပြသည်။
အဆိုပါ ထားဝယ်-ထီးခီးလမ်းပိုင်းသည် ထိုင်း-မြန်မာနယ်စပ်လမ်းပိုင်းတစ်ခုဖြစ်ပြီး ပြီးခဲ့သည့် မတ်လကတည်းက စစ်ကောင်စီတပ်မှ ကင်းပုန်းအများအပြားချထားခဲ့သည်။
Public Service Announcement
KNU တပ်မဟာ (၄)၏ထိန်းချုပ်နယ်မြေဖြစ်သော ထားဝယ်-ထီးခီးလမ်းပိုင်းတွင် ပြီးခဲ့သည့် မတ်လ ၁၃ ရက်က တိုက်ပွဲဖြစ်ပွားခဲ့ရာ စစ်ကောင်စီတပ်မှ တပ်ရင်းမှူးအပါအဝင် ငါးဦးသေဆုံးခဲ့သည်။
