မကွေးတိုင်း ၊ထီးလင်းမြို့နယ် အကြည်ဝါးဘင်းကျေးရွာတိုက်ပွဲတွင် စစ်ကောင်စီတပ် သေဆုံးထိခိုက်မှုများပြားသဖြင့် တပ်ပြန်ဆုတ်ပြေးခဲ့ကြောင်း YDF (ထီးလင်း)က ထုတ်ပြန်သည်။
ယနေ့(ဧပြီ ၂၅ ရက်) နံနက် ၇နာရီခန့်ကစ၍ အကြမ်းဖက်စစ်ကောင်စီ၏ တပ်မ(၁၁)မှ အင် အား ၉၀ခန့်ပါစစ်ကြောင်းသည် အကြည်ဝါးဘင်းရွာမှ ထွက်ခွာလာပြီးနောက် တိုက်ပွဲ ဖြစ်ပွားခဲ့ သည်ဟု ဆိုသည်။
“စောင့်တိုက်ရင်း အပြန်အလှန်ပစ်ခတ်တာပါ။တိုက်ပွဲက ၄၅ မိနစ်လောက်ကြာတယ်။သူတို့ဘက်က ငါးယောက်လောက်ကို ထမ်းပိုးပြီးတော့ အကြည်ဝါးဘင်းရွာထဲကို ပြန်ဆုတ်သွားခဲ့ရတယ်”ဟု YDF (ထီးလင်း)တာဝန်ရှိသူက People’s Springသို့ ပြောသည်။
ထို့အပြင် တိုက်ပွဲအတွင်း အကြမ်းဖက်စစ်ကောင်စီတပ်သားတစ်ဦးအရှင်ဖမ်းမိခဲ့သော် လည်း ထွက်ပြေးသဖြင့် ရှင်းလင်းခဲ့ကြောင်း ထီးလင်းမြို့ပြည်သူ့ကာကွယ်ရေးတပ်ဖွဲ့ဝင် တစ်ဦးက သီးခြားအတည်ပြုသည်။
Public Service Announcement
ထီးလင်းမြို့နှင့် ၁၆ မိုင်အကွာ အကြည်ဝါးဘင်းရွာတိုက်ပွဲ၌ YDF မှထိခိုက်ဒဏ်ရာရသူမရှိဘဲ အောင်မြင်စွာဆုတ်ခွာနိုင်ခဲ့ကြောင်းလည်း ၎င်းက ဆိုသည်။
လက်ရှိတွင် အကြမ်းဖက်စစ်ကောင်စီက ထီးလင်းဒေသတွင်း စစ်ကြောင်းနှစ်ခုဖြင့် အနောက် တောင်ကြောတစ်လျှောက် နှင့်အရှေ့တောင်ဘက် တစ်ကြောဖြန့်ကျက်စစစ်ထိုးနေသည်ဟု YDF (ထီးလင်း)က အသိပေးသည်။
ဧပြီ ၁၇ ရက်က ထီးလင်းမြို့နယ် ကျင်းကျေးရွာရဲစခန်းကို ပြည်သူ့ကာကွယ်ရေးတပ်ဖွဲ့ က ဝင်ရောက်သိမ်းပိုက်နိုင်ခဲ့ပြီး စခန်းမှူးသေဆုံးကာ လက်နက်ခဲယမ်းအများအ ပြားသိမ်းဆည်း နိုင်ခဲ့သည်။
