စီးပွားရေးလုပ်ငန်းရှင်ဦးချစ်ခိုင်ကို အကြမ်းဖက် စစ်ကောင်စီ ဖမ်းဆီး

▪️ဒုတိယ​မြောက် စီးပွား​ရေးလုပ်ငန်းရှင်တစ်ဦးဖမ်းဆီးခံရခြင်းဖြစ်

ထိပ်သီးစီးပွားရေးလုပ်ငန်းရှင် ဦးချစ်ခိုင်ကို အကြမ်းဖက်စစ်ကောင်စီက ယမန့်နေ့ညတွင် ဖမ်းဆီးသွားကြောင်း ၎င်းမိသားစုနှင့်နီးစပ်သူများထံမှ သိရသည်။

အကြမ်းဖက်စစ်ကောင်စီက လုပ်ငန်းရှင် ဦးခင်ရွှေကို ဖမ်းဆီးပြီးနောက် ဒုတိယမြောက်လုပ်ငန်းရှင် ဦးချစ်ခိုင်ကို ဖမ်းဆီးသွားခြင်းဖြစ်သည်။

ဦးချစ်ခိုင်သည် ဧဒင်ကုမ္ပဏီအုပ်စု၏ ဥက္ကဌဖြစ်ပြီး ဆောက်လုပ်ရေး၊ ဆေးရုံ၊ အစားအသောက်နှင့် အဖျော် ယမကာ ၊ ဘဏ္ဍာရေးလုပ်ငန်း၊ စက်သုံးဆီနှင့် ဓာတ်ငွေ့လုပ်ငန်းများနှင့် စိုက်ပျိုးရေးထုတ်ကုန်လုပ်ငန်းများကိုဆောင်ရွက်နေသည့် လုပ်ငန်းစုတစ်ခုဖြစ်သည်။

Public Service Announcement

အကြမ်းဖက်စစ်ကောင်စီက ဦးချစ်ခိုင်မိသားစုကို ဖမ်းဆီးရန် အချိန်ယူစောင့်ကြည့်နေခြင်းဖြစ်သည်ဟု မိသားစုနှင့်နီးစပ်သူတစ်ဦးက ပြောသည်။ စစ်ကောင်စီက မည်သည့်ကိစ္စဖြင့်ဖမ်းဆီးသည့် အကြောင်းအရင်းကို မသိရှိရသေးပေ။

Denko စက်သုံးဆီလုပ်ငန်း၊ MAB(မြန်မာ့​ရှေ့​ဆောင်ဘဏ်) ဘဏ်လုပ်ငန်းများသည် ဦးချစ်ခိုင်၏ လူသိများသည့် လုပ်ငန်းများဖြစ်သည်။