● စစ်ကောင်စီတပ်က မိုင်းဆွဲခံရသောနေရာအနီးရှိကျေးရွာများသို့ လိုက်လံပစ်ခတ်နေ
စစ်ကိုင်းတိုင်း၊ စစ်ကိုင်းမြို့မှထွက်ခွာသွားခဲ့ပြီး ရွှေဘိုဘက်ဦးတည်ထွက်ခွာသွားသော အကြမ်းဖက်စစ်ကောင်စီ ယာဥ်တန်းသည်လည်း ရွှေဘို-မန္တလေးလမ်းမကြီးပေါ် စိုင်နိုင်ကွေ့အနီးတွင် မိုင်းဆွဲတိုက်ခိုက်ခံရပြီး စစ်တပ်ကရမ်းသမ်းပစ်ခတ်နေ၍ ရွာသူရွာသားများထွက်ပြေးတိမ်းရှောင်နေရကြောင်း ဒေသခံများက ပြောသည်။
ယနေ့ (ဧပြီလ ၂၇ ရက်)မွန်းလွဲ ၂နာရီဝန်းကျင်က ရွှေဘို-မန္တလေးလမ်းမကြီး၊ စိုင်နိုင်ကွေ့အနီးတွင်စစ်ကားအကြီး ၇ စီး၊ ဂျမ်ပါ ကား တစ်စီးပါအကြမ်းဖက်စစ်ကောင်စီယာဥ်တန်းအား မိုင်းဆွဲတိုက်ခိုက်ခံရပြီး ကားတစ်စီးမိုင်းထိခဲ့ကြောင်း၊ အဆိုပါမိုင်းခွဲခံရမှုကြောင့် အကြမ်းဖက်စစ်တပ်သည် အခင်းဖြစ်ရာအနီးနားရှိ ကျေးရွာများအတွင်း ဝင်ရောက်ပစ်ခတ်ရမ်းကားနေ၍ ပြည်သူများထွက်ပြေးတိမ်းရှောင်နေရကြောင်း ဒေသခံများက ပြောသည်။
“ရွာတွေထဲထိ ဝင်ပစ်တယ်။ အင်အားများတယ်။ ကားတွေလည်း ရပ်ထားရတယ်။”ဟု ဒေသခံတစ်ဦးက ပြောသည်။
Public Service Announcement
ယနေ့ ဧပြီလ ၂၇ ရက်နေ့ နံနက်ပိုင်းက တပ်ကားအကြီး၊ အသေး၊ အချုပ်ကား စသဖြင့် မိုးကာအလုံပိတ်ထားသော စုစုပေါင်းတပ်ကားအစီးရေ ၁၃၇စီးခန့်သည် မုံရွာ-မန္တလေးလမ်းအတိုင်း ထွက်ခွာလာပြီး အုန်းတောလမ်းဆုံတွင် မုံရွာနယ်ဘက်နှင့် ရွှေဘိုနယ်ဘက်သို့နှစ်ကြောင်းခွဲကာထွက်သွားခဲ့ကြကြောင်း ဒေသခံများက ပြောသည်။
မုံရွာဘက်သို့ထွက်ခွာသွားသော အကြမ်းဖက်စစ်ကောင်စီယာဥ်တန်းသည် စစ်ကိုင်းမြို့နယ် ပျော့ရွာအနီးတွင်တစ်ကြိမ် နှင့် မြင်းမူမြို့နယ် ဝမ်းပြည့်ရွာနှင့် အလ္လကပ္ပရွာကြားတွင်တစ်ကြိမ် မိုင်းဆွဲတိုက်ခိုက်ခံထားရပြီး ကားတစ်စီးပျက်စီးကာ စစ်ကောင်စီတပ်ထိခိုက်သေဆုံးမှုများရှိခဲ့သည်။
