တနင်္သာရီ မြို့နယ်၊ သိန္ဒောကျေးရွာတွင် တိုက်ပွဲဖြစ်ပွားရာ စစ်ကောင်စီတပ်သား လေးဦးသေဆုံး ပြီး နှစ်ဦးဒဏ်ရာရရှိသည်ဟု တောင်ပိုင်းသူရဲကောင်းများကာကွယ်ရေးအင်အားစု(SWDF)က အသိပေးထုတ်ပြန်သည်။
တိုက်ပွဲဖြစ်စဥ်မှာ ယနေ့(ဧပြီ ၂၇ ရက်)နေ့လယ် ၁နာရီ ခန့်ကစတင်ဖြစ်ပွားခဲ့ကာ နေ့လယ် ၂ နာရီအထိ SWDF ၊ ပြည်သူ့ကာကွယ်ရေးတပ်မတော် မြိတ်ခရိုင် တပ်ရင်း(၂) နှင့် ဘက်မလိုက်ပြောက်ကျားအဖွဲ့တို့ ပူးပေါင်းတိုက်ခိုက်ခဲ့သည်ဟု ဆိုသည်။
တိုက်ပွဲအတွင်း အကြမ်းဖက်စစ်ကောင်စီတပ်က လက်နက်ကြီးများပါ အသုံးပြုခဲ့ပြီး ပြည်သူ့ကာကွယ်ရေးပူးပေါင်းတပ်များ အထိအခိုက်မရှိ ဆုတ်ခွာနိုင်ခဲ့ကြောင်း SWDFက အသိပေးသည်။
သိန္ဒောကျေးရွာတွင် အကြမ်းဖက်စစ်ကောင်စီ၏ ခလရ (၁၇)မှ တပ်စွဲထားသည့်အတွက် ပြောက် ကျားနည်းဖြင့် ပြည်သူ့ကာကွယ်ရေးတပ်များက မကြာခဏဝင်ရောက်တိုက်ခိုက်မှုရှိခဲ့သည်။
Public Service Announcement
ဧပြီ ၂၁ ရက် နှင့် ၂၂ ရက်တို့ တွင်လည်း သိန္ဒောကျေးရွာအတွင် တိုက်ပွဲ နှစ်ကြိမ်ဖော်ဆောင်ခဲ့ပြီး စစ်ကောင်စီတပ်သားတစ်ဦးသေဆုံးကြောင်း SWDF က ထုတ်ပြန်ထားသည်။
