မတူပီမှ မင်းတပ်မြို့သို့လာသည့်စစ်ကောင်စီယာဉ်တန်းကိုမင်းတပ်ချင်းဒေသကာကွယ်ရေးတပ်(CDF)က စောင့်ကြိုတိုက်ခိုက်ခဲ့ရာ ယနေ့တိုက်ပွဲပြင်းထန်ခဲ့ကြောင်း မင်းတပ် CDF ပြောရေးဆိုခွင့်ရှိသူဆလိုင်းဟာအွမ်ကအသိပေးထားသည်။
ဧပြီ၃၀ရက် မွန်းလွဲ ၂နာရီခွဲတွင် မတူပီ-မင်းတပ်လမ်းမိုင်တိုင် (၇၁)၌ စစ်ကောင်စီယာဉ်တန်းနှင့် CDF မင်းတပ် (မိုးပီတပ်ရင်း)တို့ တိုက်ပွဲဖြစ်ပွားခဲ့သည်ဟု မင်းတပ် CDFပြောရေးဆိုခွင့်ရှိသူ၏ Ha Om အမည်ရှိ လူမှုကွန် ရက် အသုံးပြုသူက ရေးသားထားသည်။
တိုက်ပွဖြစ်စဉ်အသေးစိတ်အခြေအနေ မသိရသေးကြောင်း ဆလိုင်းဟာအွမ်က ပြောသည်။
“CDF-Mindat ကတော့အပြောနဲ့လက်တွေ့ပါပဲ။မင်းတပ်နယ်ဝင်လာတာနဲ့တိုက်ခိုက်နေပါတယ်”ဟု ဆလိုင်းဟာအွမ်က ပြောသည်။
Public Service Announcement
ယခုစစ်ကောင်စီယာဉ်တန်းအား တိုက်ခိုက်နေသည့် မင်းတပ် CDF မိုးပီတပ်ရင်းသည် အင်အား၃၀၀လိုက်ပါလာသည့်စစ်ကောင်စီယာဉ်တန်းကိုမိုင်တိုင် (၇၁)၌ ၄နာရီကြာတိုက်ခိုက်ခဲ့ကြောင်း မင်းတပ် CDF ဗျူဟာမှူးအဖြစ်တာဝန်ယူခဲ့သည့်နိုင်းတပ်က ၎င်းက ရေးသားထားသည်။
“တိုက်ပွဲသတင်းအသေးစိတ်ကို မသိရသေးပေမယ့် ကိုယ့်လူတွေဖက်က အကျဆုံးမရှိတာတကယ့်သတင်း ကောင်းပါပဲ”ဟု မင်းတပ် CDF ဗျူဟာမှူးဟောင်း နိုင်းတမ်ကပြောသည်။
အဆိုပါစစ်ကောင်စီတပ်ယာဉ်တန်းသည် မတူပီမှဧပြီ၂၇ရက်တွင် ထွက်ခွာလာရာလမ်းပိုင်း၌ မတူပီ CDFကလည်း မိုင်းဆွဲတိုက်ခိုက်ခြင်း၊ခြုံခိုတိုက်ခိုက်ခြင်းများပြုလုပ်ခဲ့၍စစ်ကောင်စီတပ်မှ သေဆုံးထိခိုက်မှုရှိခဲ့သည်။
