စစ်ကိုင်းတိုင်း၊ရွှေဘိုမြို့နယ်၊ ညောင်ပင်သာကျေးရွာတွင်အကြမ်းဖက် စစ်ကောင်စီတပ်က ဒေသခံပြည်သူ ၆ဦးကို သတ်ဖြတ်ပြီး ရုပ်အလောင်းများအား ရွာလယ်လမ်းမတွင် ပစ်ထားခဲ့ကြောင်း ဒေသခံများက ပြောသည်။
အကြမ်းဖက်စစ်ကောင်စီတပ်များသည် ရွှေဘိုမြို့နယ်၊ ညောင်ပင်သာကျေးရွာကို ဧပြီလ ၃၀ ရက်နေ့ နေ့လယ်ပိုင်းက လက်နက်ကြီးများဖြင့် ဝင်ရောက်ပစ်ခတ်မွှေနှောက်ခဲ့၍ ရွာသူရွာသားများ ထွက်ပြေးတိမ်းရှောင်ခဲ့ရသည်။
လေးရက်အကြာ ယနေ့ မေလ ၃ ရက်နေ့တွင် ကျေးရွာအတွင်း ရွာလယ်လမ်းမ၌ ရုပ်အလောင်းငါးလောင်းကို တွေ့ရှိခဲ့ရပြီး နေအိမ်တစ်အိမ်၌လည်း အမျိုးသားတစ်ဦး သတ်ဖြတ်ခံထားရကြောင်း ဒေသခံများက ပြောသည်။
ညောင်ပင်သာကျေးရွာကို ဝင်ရောက်ခဲ့စဥ်ကအကြမ်းဖက် စစ်ကောင်စီတပ်သား ၃၀ ခန့်ရှိပြီး မြင်းစီးကျေးရွာနှင့် ပန်းရံရွာမှ ပျူစောထီး ၈၀ ခန့်လည်း ပါဝင်သည်ဟု ဒေသတွင်းသတင်းရင်းမြစ်များက ပြောသည်။
Public Service Announcement
အကြမ်းဖက်စစ်တပ်သည် ဧပြီလလယ်ပိုင်းမှစတင်ကာ ရွှေဘိုခရိုင်အတွင်း ကျေးရွာအမြောက်အများအား စစ်ကြောင်းထိုးကာ မီးရှို့ဖျက်ဆီးမှုများ ပြုလုပ်လျက်ရှိပြီး ရွာခံပြည်သူထောင်ချီထွက်ပြေးတိမ်းရှောင်နေရသည်။
