'/%3E%3C/svg%3E){kind=small}
●စစ်ကောင်စီတပ်သား ၁၃ ဦးသေဟု CDF တပ်ဖွဲ့ဝင်အချို့ပြော
ဟားခါးမြို့မှ ကလေးမြို့သို့ အကျဉ်သားပြောင်းရွှေ့သည့် စစ်ကောင်စီယာဉ်တန်းကို ချင်းပြည်ကာကွယ်ရေးတပ်ဖွဲ့များက မေ၄ ရက်(ယနေ့) ညနေပိုင်းတွင်တိုက်ခိုက်ခဲ့ကြောင်း ချင်းပြည်နယ်အခြေစိုက်သတင်းဌာနများနှင့် ဒေသခံကာကွယ်ရေးတပ်သားများထံရသိရသည်။
ဟားခါးမြို့မှ အကျဉ်းသား ၁၅ ဦးကို ကလေးမြို့ထောင်သို့ပို့ဆောင်သည့် တင့်ကား ၂စီးပါပြီး စုစုပေါင်းစစ်ကား ၂၇ စီးပါစစ်ကောင်ယာဉ်တန်းကို ဟားခါးမြို့ နှင့် ၁၂ မိုင်အကွာတွင်ချင်းဒေသကာကွယ်ရေးတပ်ဖွဲ့များက တိုက်ခိုက်ခဲ့ခြင်းဖြစ်ကြောင်း ဒေသခံအချို့ကပြာသည်။
ထိုတိုက်ခိုက်မူကြောင့် အကြမ်းဖက်စစ်ကောင်စီတပ်သား ၁၃ ဦးသေဆုံးခဲ့ကြောင်းကြောင်းလည်း ဒေသခံကာကွယ်ရေးတပ်များထံမှ သိရသည်။ သို့သော်စစ်ကောင်စီတပ်သားများသေဆုံးမှုကို People’s Spring အနေဖြင့် သီးခြားအတည်မပြုနိုင်သေးပေ။
Public Service Announcement
အဆိုပါတိုက်ပွဲသည် ချွန်ကျုံးကျေးရွာနှင့် ဒေါက်ထက်ကျေးရွာတို့တွင်ဖြစ်ပွားခဲ့ခြင်းဖြစ်ကြောင်းဒေသတွင်း မီဒီယာအချို့ကဖော်ပြထားသည်။ ထောင်ပြောင်းရွေ့သောအကျဉ်းသားများထဲတွင် ၅၀၅ (က)ဖြင့် စစ်ကောင်စီတရားရုံးက အမိန့်ချခံထားရသူများပါဝင်ပြီး အခြားအမှုတွဲများလည်းပါဝင်သည်ဟု သိရသည်။
တိုက်ခိုက်ခံရသည့်စစ်ကောင်စီ ယာဉ်တန်းတွင်စစ်သား ၁၀၀ ကျော်ပါဝင်ပြီး မေ ၂ ရက်က ဟားခါးမြို့မှ စတင်ထွက်ခွာလာခြင်းဖြစ်ကြောင်း ဒေသခံအချို့ကပြောသည်။ အဆိုပါယာဉ်တန်းသည် ဖလမ်းမြို့သို့ ဦးတည်ပြီး ဆက်လက်မောင်းနှင်နေသည်ဟု ဒေသခံများအချို့ကပြောသည်။
ထိုစစ်ကောင်စီယာဉ်တန်းသည် ဟားခါး-ဖလမ်းလမ်းမပေါ်ရှိ ရမ်ထလိုရွာကို မီးရှို့ဖျက်ဆီးခဲ့သည်ဟု ဒေသခံများထံမှ သိရသည်။
“ရွာသားတွေကစစ်ကြောင်းချီလာတယ်ဆိုလို ထွက်ပြေးပြီး ရှောင်နေတာ၊ အဲ့တာ အိမ်တွေကိုမီးရှို့သွားတယ်”ဟု ဒေသခံတစ်ဦးကပြောသည်။
