●KNDF၊ KA ပူးပေါင်းတပ်ကစက်လက်၊ RPG ၊ပစ္စတိုအပါအဝင် လက်နက် ၁၁ လက်သိမ်းဆည်းရမိ
ဘောလခဲမြို့မှ ထွက်ခွာလာသော အကြမ်းဖက်စစ်ကောင်စီတပ်၏ယာဉ်တန်းကို ယမန်နေ့ကဖရူဆိုမြို့နယ် လောကျေခူ ကျေးရွာအရောက်တွင် KNDF တပ်ရင်းနှစ်ရင်းနှင့်KA တို့ကပူးပေါင်းတိုက်ခိုက်ပြီး စစ်ကူလာသောစစ်ကောင်စီတပ်ကိုပါထပ်မံတိုက်ခိုက်ရာ အနည်းဆုံးစစ်သား ၂၅ ဦးသေဆုံးပြီး ၂ ဦးကိုအရှင်ဖမ်းဆီးနိုင်ခဲ့ကြောင်းKNDF-04ကထုတ်ပြန်
သည်။
မေလ ၇ ရက်နံနက် ၈ နာရီခွဲတွင် စစ်ကောင်စီတပ်၏ စစ်ကား အစီး ၂၀ ကျော်ပါယာဥ်တန်းကို KNDFB-04၊ KNDF B-15 နှင့် KA တို့ကပူးပေါင်း၍ ကြားဖြတ်တိုက်ခိုက်ခဲ့ရာ နှစ်နာရီကြာမြင်ခဲ့သည်။တိုက်ပွဲအတွင်း စစ်ယာဉ်တန်းမှ ကားလေးစီး မီးရှို့ဖျက်စီးနိုင်ခဲ့ပြီး ၎င်းကားလေးစီးပေါ်ပါလာတဲ့ စစ်သား ၁၅ ဦးစလုံးသေဆုံးသွားသည်ကိုအတည်ပြုရခဲ့ကြောင်းဖော်ပြထားသည်။
ထိုအပြင်နေ့ခင်းပိုင်း ၁၁နာရီ ၁၀ မီနစ်ချိန်တွင် တိုက်ပွဲဖြစ်ပွားရာနေရာသို့ စစ်ကူရန် အကြမ်းဖက်စစ်တပ်မှ ထပ်မံရောက်ရှိလာရာ ပူးပေါင်းတပ်နှင့်ထပ်မံတိုက်ပွဲဖြစ်ပွားခဲ့ရာ အကြမ်းဖက်စစ်ကောင်စီတပ်သား ၁၀ ဦးထက်မနည်းသေဆုံးသည်ကို အတည်ပြုနိုင်ခဲ့ပြီး၂ ဦးကို အရှင်ဖမ်းမိခဲ့ကြောင်းလည်းပါရှိသည်။စစ်ကောင်စီတပ်မှသေဆုံးဒဏ်ရာရရှိသူများနှင့် သိမ်းဆည်းရမိသောလက်နက်ခဲယမ်းများကိုလည်း ရုပ်သံဖိုင်နှင့် သတင်းဓါတ်ပုံများတွင်တွေ့ရသည်။
Public Service Announcement
ထို့တိုက်ပွဲအတွင်း ပူးပေါင်းတပ်ဖက်မှ KNDF-B04 မှ ရဲဘော်တစ်ဦးဒဏ်ရာ (မစိုးရိမ်ရ) ရရှိခဲ့ပါသည်။
တိုက်ပွဲအတွင်း အကြမ်းဖက်စစစ်ကောင်စီ ဘက်မှ လက်နက်ခဲယမ်းအချို့ သိမ်းဆီးရမိခဲ့ကြောင်းလည်းထုတ်ပြန်ရာ စက်လက်တစ်လက် ၊RPG ၁လက် ၊ ပစ္စတိုတစ်လက်အပါအဝင် သေနတ် ၁၁ လက်၊ ဗုံးသီးများ၊ခဲယမ်းမျိုးစုံနှင့်စစ်ဘက်အသုံးအဆောင်များသိမ်းဆည်းနိုင်ခဲ့သည်ကို တွေ့ရသည်။
