●တလုပ်PDF ၏အခြေစိုက်စခန်းစွန့်လွတ်ခဲ့ရသော်လည်း ရဲဘော်များအားလုံးဘေးကင်းဟုတာဝန်ရှိသူပြော
မြောင်မြို့နယ်အတွင်းဖြစ်ပွားသည့် ထိတွေ့တိုက်ပွဲလေးကြိမ်တွင် စစ်ကောင်စီတပ်ဘက်မှ ၄၀ ဦးခန့် ထိခိုက်သေဆုံးနိုင်ကြောင်း မြိုင်အ ခြေစိုက် PDF – Taloke အဖွဲ့က ပြောသည်။
အကြမ်းဖက်စစ်ကောင်စီတပ်များသည် မေ ၃ ရက်ကစပြီး မြောင်မြို့နယ်တောင်ပိုင်းမှ ကျေး ရွာများသို့ အင်အား ၁၃၀ ခန့်ဖြင့် စတင်စစ် ကြောင်းထိုးခဲ့ပြီး ယခုအခါ ထိုစစ်ကြောင်းမှာ အင်အား ၉၀ ခန့်သာရှိတော့ကြောင်း ဒေသသတင်းရင်းမြစ်များကိုကိုးကားပြီး PDF – Taloke မှ တိုက်ခိုက်ရေးခေါင်းက ပြောသည်။
“တိုက်ပွဲထဲမှာ အလောင်းရတာမျိုးတော့ မရှိဘူး။ ဒါပေမဲ့ခမ်းယဲမီးကျောက်တွေ သိမ်းဆည်းရမိတာတော့ရှိတယ်။ ပြီးတော့ ဒေသခံတွေဆီကရတဲ့ အချက်အလက်တွေအရတဖြည်းဖြည်းနဲ့ အဲဒီစစ်ကြောင်းမှာ အင်အား ၉၀ လောက်ပဲရှိတော့တယ်”လို့ ၎င်းက ပြောသည်။
Public Service Announcement
ထိတွေ့တိုက်ပွဲ လေးကြိမ်တွင် မေ ၃ ရက်က တစ်ကြိမ်၊ မေ ၄ ရက်တွင် နှစ်ကြိမ်နှင့် မေ ၅ ရက်တွင် တစ်ကြိမ်ဖြစ်ပွားထားပြီး PDF – Taloke ၏ အခြေစိုက်စခန်းစွန့်လွှတ်ခဲ့ရသော် လည်း တော်လှန်ရေးရဲဘော်များ ထိခိုက်ဒဏ် ရာရမှုမရှိခဲ့ကြောင်း တိုက်ခိုက်ရေးခေါင်း ဆောင်က ဆက်ပြောသည်။
လက်ရှိတွင် အကြမ်းဖက်စစ်ကောင်စီတပ်နှင့် ဒေသကာကွယ်ရေးတပ်ဖွဲ့များကြား စစ်ရေးတင်းမာနေပြီး စစ်ကောင်စီတပ်စစ်ကြောင်း မြောင်နယ်မှ ပြန်မဆုတ်မချင်း ဆက်တိုက်သွားမည်ဖြစ်၍ လက်နက်ခဲယမ်းများလိုအပ်လျက်ရှိကြောင်း သိရသည်။
