Connect with us

Hi, what are you looking for?

News

မင်းတပ် – မတူပီလမ်း ယနေ့တိုက်ပွဲ စစ်ကောင်စီတပ် ၁၀ဦးခန့်သေဟု CDFထုတ်ပြန်

“ရာသီဥတုသာမဆိုးရင် မှိုင်းမတိုက်ခဲ့ရင် ဒီထက်ပိုပြီး မိုင်းဆွဲတိုက်ခိုက်နိုင်မယ်။ ဒီထက်ပိုပြီး တိုက်ပွဲပြင်းထန်မယ်။ ရာသီဥတုကြောင့် ကျွန်တော်တို့ အများကြီးနစ်နာသွားတယ်”ဟု မင်းတပ် CDF ပြောရေးဆိုခွင့်ရှိသူ ဆလိုင်းဟာအွမ်က ပြောသည်။

(CDF ရဲဘော်များအား တွေ့ရစဥ်)

စစ်ကောင်စီတပ်ဖွဲ့ဝင် ၂၀ဦးပါ စစ်ကြောင်းနှင့် ၃၀ဦးပါစစ်ကြောင်း မိုင်းဖြင့်တိုက်ခိုက်ခံရပြီး အများအပြားသေဆုံးနိုင်ဟု ဖော်ပြ

ချင်းပြည်နယ် မင်းတပ် – မတူပီလမ်း မိုင်တိုင် (၂၅)၌ ယနေ့ တိုက်ပွဲပြင်းထန်စွာဖြစ်ပွားခဲ့ရာ စစ်ကောင်စီတပ်မှ ၁၀ဦးခန့်သေဆုံးခဲ့ပြီး မိုင်းဖြင့် နှစ်ကြိမ်တိုက်ခိုက်မှုကြောင့်လည်း အများအပြား သေဆုံးနိုင်ကြောင်း မင်းတပ် ချင်းကာကွယ်ရေးတပ်(CDF)က သတင်းထုတ်ပြန်သည်။

မတူပီမှ ပြန်လာသည့် စစ်ကောင်စီတပ်ယာဉ်တန်းကို မိုင်တိုင်အမှတ် (၂၅)တွင် ယနေ့(မေလ ၉ရက်) နံနက် ၁၁နာရီမှ ၁နာရီအထိ ၂နာရီကြာ အနီးကပ်တိုက်ခိုက်ခဲ့ကြောင်း၊ မင်းတပ်CDF ဘက်မှ မောင်းပြန်သေနတ်၊ RPG တို့ဖြင့်တိုက်ခိုက်ခဲ့ရာ စစ်ကောင်စီတပ်မှ ၁၀ဦးခန့်ကျဆုံးခဲ့သည်ဟု ဆိုသည်။

ထိုအချိန်တွင် မိုင်းကွင်းထဲသို့ဝင်လာသည့် စစ်ကောင်စီ အင်အား ၂၀ခန့်ကို မိုင်းခွဲတိုက်ခိုက်ခဲ့ရာ အများအပြား သေဆုံးထိခိုက်နိုင်ကြောင်း မင်းတပ် CDFက ခန့်မှန်းထုတ်ပြန်သည်။

Public Service Announcement

Public Service Announcement

Public Service Announcement

အလားတူ မိုင်တိုင် (၂၄)တွင်လည်း စစ်ကောင်စီတပ်ယာဉ်တန်း၏ ရှေ့ပြေးလုံခြုံရေးစစ်ကြောင်းမှ အင်အား ၃၀ခန့်ရှိ စစ်ကောင်စီတပ်ဖွဲ့ဝင်များသည်လည်း မိုင်းကွင်း အတွင်းဝင်ရောက်လာ၍ မိုင်းခွဲတိုက်ခိုက်ခဲ့ရာ ထိခိုက်သေဆုံးမှုများနိုင်သည်ဟု မင်းတပ် CDFက ခန့်မှန်းထုတ်ပြန်သည်။

“ရာသီဥတုသာမဆိုးရင် မှိုင်းမတိုက်ခဲ့ရင် ဒီထက်ပိုပြီး မိုင်းဆွဲတိုက်ခိုက်နိုင်မယ်။ ဒီထက်ပိုပြီး တိုက်ပွဲပြင်းထန်မယ်။ ရာသီဥတုကြောင့် ကျွန်တော်တို့ အများကြီးနစ်နာသွားတယ်”ဟု မင်းတပ် CDF ပြောရေးဆိုခွင့်ရှိသူ ဆလိုင်းဟာအွမ်က ပြောသည်။

မင်းတပ် CDF အနေဖြင့်အဆိုပါ စစ်ယာဉ်တန်းကို မနက်ဖြန်တွင်လည်း ပိုမိုပြင်းထန်စွာ တိုက်ခိုက်သွားမည်ဟု ဆလိုင်းဟာအွမ်က ပြောသည်။

“မနက်ဖြန်မှာလည်း ကျွန်တော်တို့ ဆက်လက်ပြီးတော့ တိုက်ပွဲပြင်းထန်နိုင်ဖွယ်ရှိတယ်။ ပုံမှန်အရဆိုရင် ခလရ (၂၇၄)က ရှေ့ပွိုင့်လာကြိုတာရှိတယ်။ သူတို့ က ရှေ့ပွိုင့်က လာကြိုရင်တော့မြန်တာပေါ့။ တကယ်လို့မှ လာမကြိုခဲ့ဘူးဆိုရင် တိုက်ပွဲတွေက ပိုပြင်းထန်နိုင်တယ်။” ဟု ဆလိုင်းဟာအွမ်က ပြောသည်။

အဆိုပါ စစ်ကောင်စီတပ်ယာဉ်တန်းသည် ဧပြီ ၂၇ရက်တွင် မတူပီမြို့မှ ထွက်ခွာလာရာ မတူပီ CDF၊ မင်းတပ် CDF တို့က ကြားဖြတ်တိုက်ခိုက်မှုများ လုပ်ဆောင်ခဲ့၍ မိုင် ၁၀၀ကျော်သာဝေးသည့် ခရီးကိုနှစ်ပတ်ကြာသည်အထိ မရောက်နိုင်ဘဲဖြစ်နေသည်။

ဆက်စပ်သတင်းများ

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ကသာမြို့မှာပိတ်မိတဲ့ကားတချို့ မန္တလေးဘက် ပြန်ဆုတ်ခိုင်း၊ ပိတ်မိနေသူတွေဆက်ရှိပြီး သေဆုံးသူ ထပ်တိုး