ကယားပြည်နယ်၊ ဒီးမော့ဆိုမြို့ မြို့မရပ်ကွက်တွင် ယမန်နေ့က တိုက်ပွဲနှစ်ကြိမ်ဖြစ်ခဲ့ပြီး စစ်ကောင်စီတပ်မှ လေးဦးသေ၊ သုံးဦးဒဏ်ရာရရှိခဲ့သည်ဟု ဒီးမော့ဆိုပြည်သူ့ကာကွယ်ရေးတပ်(PDF)က သတင်းထုတ်ပြန်သည်။
အဆိုပါ မြို့မရပ်ကွက်သို့ စစ်ကြောင်းထိုးလာသည့် စစ်ကောင်စီတပ်ကို ဒီးမော့ဆို PDFနှင့် အလယ်ပိုင်းတိုင်း(၁၁၀၂)တပ်ခွဲအချို့ ပူးပေါင်းပြီး မေလ ၉ရက် နံနက်ပိုင်း၌ တစ်ကြိမ်၊ နေ့လယ် ပိုင်း၌ တစ်ကြိမ် တိုက်ခိုက်ခဲ့ရာ တိုက်ပွဲဖြစ်ခဲ့သည်ဟု ဖော်ပြထားသည်။
ဒုတိယအကြိမ်ဖြစ်ပွားခဲ့သော ပြောက်ကျားတိုက်ပွဲတွင် အကြမ်းဖက်စစ်ကောင်စီတပ်ဖွဲ့မှ လေးဦးခန့်သုတ်သင်ရှင်းလင်းနိုင်ခဲ့ပြီး သုံးထက်မနည်း ဒဏ်ရာရရှိခဲ့ဟု အသိပေးထားသည်။
အကြမ်းဖက်စစ်ကောင်စီတပ်ဖွဲ့က လက်နက်ကြီးများဖြင့် ရမ်းသမ်းပြည်ခဲ့၍ ပြည်သူလူထု နေအိမ်အချို့ထိမှန်ပျက်စီးခဲ့ကြောင်း ထုတ်ပြန်ထားသည်။
Public Service Announcement
