ချင်းပြည်နယ် ဖလမ်းမြို့နယ်နှင့် စစ်ကိုင်းတိုင်း ကလေးမြို့နယ်တို့တွင် မတ်လနှင့် ဧပြီအတွင်း ချင်းအမျိုးသားကာကွယ်ရေးတပ်ဖွဲ့(CNDF) ပါဝင်သည့် တိုက်ပွဲများ၌ စစ်ကောင်စီတပ်ဖွဲ့ဝင် ၁၀၅ဦး သေဆုံးခဲ့ကြောင်း ချင်းအမျိုးသားအဖွဲ့ချုပ်(CNO)က သတင်းထုတ်ပြန်သည်။
စစ်ကောင်စီတပ်များကို CNO/CNDF နှင့် ပူးပေါင်းတပ်ဖွဲ့များက မိုင်းဆွဲတိုက်ခိုက်မှု၊ ခုခံတိုက်ခိုက်မှုများ ပြုလုပ်ခဲ့ရာ နှစ်လအတွင်း တိုက်ပွဲ (၁၃)ကြိမ်ဖြစ်ခဲ့သည်ဟု ဖော်ပြထားသည်။
တိုက်ပွဲ ၁၃ကြိမ်ဖြစ်ပွားခြင်း နှင့် ကလေးထောင်အတွင်း မတရား ပစ်ခတ်ခံရခြင်း၊ ဖမ်းဆီးပစ်သတ်ခံရခြင်း တို့ကြောင့် မတ်လနှင့် ဧပြီလတွင် CNDF တပ်ဖွဲ့ဝင် ၆ဦးကျဆုံးခဲ့ပြီး လေးဦး ဒဏ်ရာရခဲ့ကြောင်း အသိပေးထား သည်။
တိုက်ပွဲဖြစ်ပွားရာ နေရာများမှာ ဖလမ်းမြို့နယ် တားလ် ၊ တလန်ဇာရ်၊ ရမ်ထလို၊ ဒေါက်ထက်၊ ရိခေါ်ဒါရ် ဒေသများ၊ ကလေးမြို့နယ် ရန်ကြီးအောင်၊ နတ်ချောင်း၊နတ်မြောင်း၊ အောင်ချမ်းသာ၊ တောင်သာ၊ ဟားခါးလေး စသည့် ဒေသများတို့ ဖြစ်သည်ဟု ထုတ်ပြန်ထားသည်။
Public Service Announcement
