●တိုက်ပွဲများဆက်တိုက်ဖြစ်ပွားနေသဖြင့် ခုခံစစ်အရှိန်မြှင့်ရန် PDF များအကူအညီလိုအပ်နေ
ကလေးမြို့တောင်ပိုင်း၊ရေရှင်ရွာခုခံမူ ၃ ရက်တာ တိုက်ပွဲအတွင်း စစ်ကောင်စီတပ်သား ၁၄ ဦးသေဆုံးပြီး PDF(ကလေး) တပ်သား နှစ် ဦးကျဆုံးခဲ့ကြောင်းPDF(ကလေး)က ယနေ့ထုတ်ပြန်သည်။
အကြမ်းဖက်စစ်ကောင်စီတပ်နှင့်ပျူစောထီးများသည် မေ ၈ ရက်မှ စတင်ပြီး ကလေးမြို့၊တောင်ပိုင်းရေရှင်ကို အင်အား ၂၀၀ ခန့်ရှိသော စစ်ကြောင်း သုံးကြောင်းဖြင့် ထိုးစစ်ဆင်လာ၍ ဒေသခံကာကွယ်ရေးများနှင့်တိုက်ပွဲဖြစ်ပွားနေခြင်းဖြစ်သည်။ မေ ၈ ရက်တွင် ရေရှင်ရွာကို အင်းကျွန်းရွာဘက်မှ စစ်ကြောင်းနှစ်ကြောင်းနှင့် ကြံသာရွာဘက်မှ စစ်ကြောင်း တစ်ကြောင်း စုစုပေါင်း အင်အား ၂၀၀ခန်ဖြင့် စစ်ကြောင်း ၃ ကြောင်းဖြင့်ထိုးစစ်ဆင်လာသည်။
ထိုစစ်ကြောင်းကို PDF(ကလေး)၊ CDF(KKG)နှင့် ပြည်သူ့ကာကွယ်ရေးအဖွဲ့ (ပကဖ)တို့က ခုခံတိုက်ခိုက်ခဲ့ရာ မေလ ၈ ရက်ည ၇နာရီမှ ည ၁၀ အထိ တိုက်ပွဲပြင်းထန်စွာဖြစ်ပွားပြီး အကြမ်းဖက်စစ်ကောင်စီတပ်သား ၁၀ ဦးကျော်သေဆုံးခဲ့သည်PDF(ကလေး)ကထုတ်ပြန်သည်။
Public Service Announcement
မေ ၉ ရက်တွင် ရေရှင်ရွာအနီးတွင် နံနက် ၈နာရီမှ ညနေ ၄နာရီအထိ တိုက်ပွဲဖြစ်ပွားပြီး အကြမ်းဖက်စစ်ကောင်စီတပ်သား ၄ဦးသေဆုံးပြီး PDF(ကလေး)မှ ၂ ဦးကျဆုံးခဲ့သည်ဟုဆက်လက်ဖော်ပြထားသည်။
ရေရှင်ကို ဦးတည်လာသည့် အကြမ်းဖက်စစ်ကောင်စီတပ်ကို ယနေ့ (မေ၁၀ရက်)မနက် ၈နာရီခန့်တွင် လည်းဒေသခံကာကွယ်ရေးတပ်များက ခုခံတိုက်ခိုက်ခဲ့သည်။ တိုက်ခိုက်ရာတွင် လက်နက်ခဲယမ်းမလုံလောက်သဖြင့် နံနက် ၉နာရီတွင် ရေရှင်ရွာမှ ဆုတ်ခွာပေးခဲ့သည်။
“တိုက်ပွဲတွေ တောက်လျောက်ဖြစ်နေဆဲပါ၊”ဟုPDF(ကလေး)ပြန်ကြားရေးတာဝန်ခံကပြောသည်။
ကလေးမြို့ကို စစ်ကောင်စီတပ်က အင်အားအလုံးအရင်းဖြင့် ထိုးစစ်ဆင်နေပြီး စစ်ရာဇဝတ်မှုများ ကျူးလွန်နေသည်ဟုလည်း ၎င်းကပြောသည်။ ထိုကြောင့် ပြည်သူ့ခုခံတွန်းလှန်စစ်ကို ဆက်လက်အရှိန်အဟုန်မြှင့်ရန် ပြည်သူများ အကူအညီလိုနေသည်ဟုလည်း ၎င်းကဆက်ပြောသည်။
ကလေးမြို့တောင်ပိုင်းရှိ ကျေးရွာများကို စစ်ကောင်စီတပ်က ဆက်တိုက်စစ်ကြောင်းထိုးနေပြီး ဒေသခံ PDFများက အပြင်းအထန်ခုခံတိုက်ခိုက်သဖြင့်စစ်ကောင်စီတပ် မကြာခဏအထိနာနေသည်။တိုက်ပွဲများဆက်တိုက်ဖြစ်ပွားနေ၍လက်နက်ခဲယမ်းများ ယခင်ကထက်လိုအပ်နေကြာင်း
PDFများကပြောသည်။
လက်ရှိတွင် စစ်ကောင်စီတပ်နှင့်ပျူစောထီးများသည် ရေရှင်ရွာအတွင်းဝင်ရောက်ပြီး ရွာသားများ၏ ပစ္စည်းများကို ခိုးယူခြင်းနှင့်နေအိမ်များကို မီးရှို့ခြင်းတို့ဆောင်ရွက်နေသည်ဟု ထုတ်ပြန်ချက်တွင်ဖော်ပြထားသည်။
