Connect with us

Hi, what are you looking for?

LuduNwayOo

News

မန်းအခြေစိုက် UGဖြစ်သော ROM အဖွဲ့၏ ယာယီခိုလှုံနေရာဝင်စီးခံရ၊ ရဲဘော်တစ်ဦး ကျည်ထိ

ROM အဖွဲ့၏ ခိုလှုံနေရာအား စစ်ကောင်စီတပ်က ဝင်ရောက်စီးနင်းရာတွင် အရပ်ဝတ်ရော ယူ နီဖောင်းဝတ်များပါ အင်အား ၁၂ ဦးခန့် ကနဦးရောက်ရှိလာပြီး နေအိမ်အားဝင်ရောက်ရှာဖွေသောင်းကျန်းသွားကြောင်း ၎င်းက ဆက်ပြောသည်။

မန္တလေးမြို့အခြေစိုက် မြေအောက်တော်လှန်ရေးတပ်ဖွဲ့တစ်ခုဖြစ်သော Rangers Of Mandalay(ROM)၏ ယာယီခိုလှုံနေရာကို စစ်ကောင်စီတပ်၏ ဝင်စီးခြင်းခံခဲ့ရကြောင်း အဆိုပါအဖွဲ့က အတည်ပြုသည်။

ဖြစ်စဥ်မှာ လွန်ခဲ့သော ၃ ရက် မေလ၇ရက် ည ၁၀နာရီဝန်းကျင်တွင် မန္တလေးမြို့ရှိ မြို့နယ်တစ်ခုတွင် ယာယီခိုလှုံလျက်ရှိသော ROM အဖွဲ့၏ Save House နေရာကို ဧည့်စာရင်းအကြောင်းပြ၍ ဝင်စီးခံရခြင်း ဖြစ်သည်။

“၁၂ ယောက်လောက်က အိမ်ကိုသပ်သပ်လာတာ။ သိသိချင်ခြေလျင်ထွက်ခဲ့တာပဲ။ ဆိုင်ကယ်နဲ့လဲ ထွက်မရ၊ ထွက်ရင်ပစ်မှာ”ဟု Save House ဝင်စီးခံရပုံကို ROM အဖွဲ့မှ ဗိုလ်ဖီးနစ်က ပြောသည်။

ROM အဖွဲ့၏ ခိုလှုံနေရာအား စစ်ကောင်စီတပ်က ဝင်ရောက်စီးနင်းရာတွင် အရပ်ဝတ်ရော ယူ နီဖောင်းဝတ်များပါ အင်အား ၁၂ ဦးခန့် ကနဦးရောက်ရှိလာပြီး နေအိမ်အားဝင်ရောက်ရှာဖွေသောင်းကျန်းသွားကြောင်း ၎င်းက ဆက်ပြောသည်။

ထို့နောက် စစ်ကောင်စီတပ်များသည် ၎င်းတို့စီးနင်းသည့်နေအိမ်တွင် အလိုရှိနေသူများကို မတွေ့သဖြင့် ခြေကျင်ထွက်ပြေးလာရသော မြေအောက်တော်လှန်ရေးရဲဘော်များနောက်မှ အိမ်စီးကားအချို့ဖြင့် ပတ်လိုက်လာပြီး လမ်းမကြီးတစ်ခုအနီးအရောက်တွင် ကားပေါ်မှနေ၍ သေနတ်ဖြင့် လှမ်းပစ်ခဲ့သည်။

ထိုပစ်ခတ်မှုကြောင့် ROM အဖွဲ့မှ ရဲဘော်တစ်ဦး သေနတ်ကျည်ရှပ်မှန်ခဲ့ပြီး ဆေးကုသမှုခံယူနေရကာ ဘေးကင်းလုံခြုံမည့် အခြားနေရာတစ်ခုသို့ ပြောင်းရွှေ့နေထိုင်ရသည်ဟု ဗိုလ်ဖီးနစ်က ပြောသည်။

စစ်ကောင်စီတပ်၏ ယခုလုပ်ရပ်ကြောင့် ပြေးလွှားရှောင်တိမ်းနေရသော်လည်း မန္တလေးအခြေစိုက် UGမဟာမိတ်တပ်ပေါင်းစုနှင့် ပူးပေါင်းပြီး ယနေ့(မေ ၁၀)တွင် စစ်ကောင်စီလက်ပါးစေ သွေးသောက်အဖွဲ့တစ်ခုမှ ဒုခေါင်းဆောင်နှင့် အဖွဲ့ဝင်တစ်ဦးကိုရှင်းလင်းသည့် တိုက်ခိုက်ရေး Mission ၌ ROM အဖွဲ့သာများလည်း ပူးပေါင်းပါဝင်ခဲ့သည်။

“မန္တလေးမြို့ နဲ့အတူ ပြည်သူများနဲ့ အမြဲအတူရှ်ိနေပါတယ်”ဟု ROM က အသိပေးထားသည်။

You May Also Like

သတင်း

တမူးမြို့နယ်ပြည်သူ့ကာကွယ်ရေးတပ်မတော်မှ တပ်ဖွဲ့ဝင်တစ်ဦးနှင့် မဟာမိတ်တပ်ဖွဲ့တစ်ခုမှ ရဲဘော်နှစ်ဦးသည် ယမန်နေ့(ဒီဇင်ဘာ၁ရက်) ညနေတွင် အထက်ပါအတိုင်း မိုင်းရှင်းလင်းရေးလုပ်ဆောင်စဥ် ပေါက်ကွဲမှုဖြစ်ပြီး ကျဆုံးခဲ့ရ​​​ခြင်းဖြစ်သည်။

သတင်း

SDGFမှ ရဲဘော်များသည် ပြီးခဲ့သည့် အောက်တိုဘာနှင့် နိုဝင်ဘာလများတွင် ဖမ်းဆီးခံရခြင်းဖြစ်ပြီး မြေပြင်လှုပ်ရှားမှုတာဝန်ခံအပါအဝင် ရဲဘော်ဆယ်ဂဏန်းခန့်ရှိသည်ဟု ဆိုသည်။

သတင်း

ဒေသတွင်းတိုက်ပွဲများ ပြင်းထန်လာနိုင်ခြေရှိပြီး စစ်ကောင်စီကလည်း လက်နက်ကြီးများဆက်တိုက်ပစ်နေ၍ မိဘပြည်သူများ လက်နက်ကြီး အကာအကွယ်ရှိသော နေရာများအထိ ကြိုတင်တိမ်းရှောင်ကြရန် KSO က သတိပေးထားသည်။

သတင်း

ကျန်ရစ်သည့် ရဲဘော်ရဲဘက်များ အနေဖြင့်တန် ဖိုးကြီးမား‌သောဆုံးရှုံးမှုကို အင်အားအဖြစ်အသုံးချကာ တော်လှန်ရေးပြီးမြောက်အောင်မြင်သည်အထိ ဆက်လက်တိုက်ပွဲဝင်သွားမည်ဟု HRSက ကတိပြုသည်။