တနင်္သာရီတိုင်း၊ ဘုတ်ပြင်းမြို့နယ်၊ ရတနာပုံကျေးရွာတိုက်ပွဲတွင်စစ်ကောင်စီတပ်မှ ၆ ဦးခန့်သေဆုံးပြီး ဒေသခံကာကွယ်ရေးတပ်ဖွဲ့ဝင် တစ်ဦးကျဆုံးခဲ့ကြောင်း PDF(မြိတ်ခရိုင်)က ယနေ့ ထုတ်ပြန်သည်။
မေလ၅ ရက်နေ့က နံနက် ၆နာရီတွင် တစ်ကြိမ်၊ ညနေ ၄နာရီတွင်တစ်ကြိမ် စုစုပေါင်း နှစ်ကြိမ်ဖြစ်ပွားခဲ့ပြီး အကြမ်းဖက်စစ်ကောင်စီဘက်မှ ၆ဦးခန့်သေဆုံးခဲ့သည်ဟု PDF(မြိတ်ခရိုင်)ကထုတ်ပြန်ချက်တွင်ပါရှိထားသည်။
ပြည်သူ့ကာကွယ်ရေးတပ်ဖွဲ့မှ ရဲဘော် ဖစုကျဆုံးခဲ့ပြီး၎င်းမှာ ပြည်သူ့ကာကွယ် ရေးတပ်မတော်(မြိတ်ခရိုင်) တပ်ရင်း (၂)၏ သယ်ယူပို့ဆောင်ရေးနှင့် ဖြန့်ဖြူးရေဌာန၏ တာဝန်ခံတစ်ဦးဖြစ်သည်။
ဆက်သွယ်ရေးအခက်အခဲများကြောင့် ပြည်သူ့ကာကွယ်ရေးတပ်ဖွဲ့ဘက်ကအကျအဆုံးမရှိဟု ကနဦးမှားယွင်းထုတ်ပြန်ခဲ့သည်။သို့သော် မြေပြင်မှအဖွဲ့များနှင့်ဆက်သွယ်ပြန်လည်အဆက်အသွယ်ရချိန်တွင် ဆုတ်ခွာချိန်၌ ရဲဘော် ဖစုကျဆုံးခဲ့ရသည်ဟုသိရှိရကြောင်းဖော်ပြထားသည်။ ရဲဘော် ဖစုကျဆုံးမူအတွက် မိသားစုနှင့်ထပ်တူ ဝမ်းနည်းကြေကွဲရကြောင်းလည်း PDF(မြိတ်ခရိုင်)ကထုတ်ပြန်ထားသည်။
Public Service Announcement
ထိုအတူမြိတ်ခရိုင်၊ ရေဖြူစစ်ဗျူစာစခန်းနှင့် သုံးမိုင်အကွာတွင်ရှိသည့် ထုံခါ အကျဉ်းစခန်းကို ဒေသခံကာကွယ်ရေးတပ်များက မေ၈ ရက်က ဝင်ရောက်စီးနင်းစဉ် ကျဆုံးခဲ့သည့် ရဲဘော် PKကိုလည်း ဝမ်းနည်းကြောင်း ပြည်သူ့ကာကွယ်ရေးတပ် (မြိတ်ခရိုင်)၊ တပ်ရင်း (၂)ကထုတ်ပြန်ထားသည်။
