မကွေးတိုင်း၊ ရေစကြိုမြို့အဝင်တွင် ယနေ့နံနက်ပိုင်းက အကြမ်းဖက်စစ်တပ်နှင့်ရဲများအား တိုက်ခိုက်ခဲ့ပြီး ၈ ဦးခန့် ထိခိုက်သေဆုံးနိုင်ကြောင်း Yesagyo PDFက သတင်းထုတ်ပြန်သည်။
ယနေ့ မေလ ၁၄ ရက် နံနက် (၇)နာရီခန့်က ရေစကြိုမြို့အဝင် ဆက်သွယ်ရေးရုံးနှင့် စိုက်ပျိုးရေးရုံးကြားရှိ အကြမ်းဖက်စစ်ကောင်စီတပ်အား မိုင်း၃ လုံးခွဲကာ တိုက်ခိုက်ခဲ့ကြောင်း Yesagyo PDFက ပြောသည်။
အကြမ်းဖက်စစ်သားနှင့် ရဲတပ်ဖွဲ့ဝင် ၈ ဦးထိခိုက်သေဆုံးနိုင်သည်ဟု Yesagyo PDFက ခန့်မှန်းသည်။
“အော်ချိန်တောင်မရလိုက်ဘဲ လူနာတင်ကားပေါ်မှာ မလှုပ်မယှက်နဲ့လိုက်ပါရင်း ငရဲပြည်သို့ ဆိုက်ဆိုက်မြိုက်မြိုက် ရောက်သွားပါပြီ။”ဟု Yesagyo PDFက အသိပေးသည်။
Public Service Announcement
စစ်ကောင်စီတပ် သေဆုံးထိ့ခိုက်မှုနှင့်ပတ်သပ်၍ People’s Spring က သီးခြားအတည်မပြုနိုင်သေးပါ။
ရေစကြိုမြို့နယ်အတွင်း၌ ပြည်သူလူထုနှင့်မပူးပေါင်းဘဲ ပြည်သူလူထုကို ဒုက္ခပေးနေသော စစ်သားနှင့်ရဲများအား အရေးယူတိုက်ခိုက်မည်ဟု Yesagyo PDFက သတိပေးသည်။
ပြည်သူများအနေဖြင့် အကြမ်းဖက်စစ်ကောင်စီနှင့်အနီးကပ်နေထိုင်သွားလာလှုပ်ရှားခြင်းများ လုံးဝမပြုလုပ်ကြပါရန် Yesagyo PDFကမေတ္တာရပ်ခံသည်။
ထုတ်ပြန်ချက်နှင့်ပတ်သက်၍ Yesagyo PDFထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။
ရေစကြိုမြို့ပေါ်နှင့်အနီးတဝိုက်တွင်သာမက ရေလယ်ကျွန်းဒေသတွင်လည်း ဒေသတွင်းအဖွဲ့များက အကြမ်းဖက်စစ်တပ်ကို ခုခံတော်လှန်တိုက်ခိုက်နေကြသည်။
