'/%3E%3C/svg%3E){kind=small}
ကေအဲန်ယူ ကျောက်ကြီးမြို့နယ်အတွင်းမှာ ပြည်သူလူထုတည်ထောင်တဲ့ ကိုယ်ထူကိုယ်ထကျောင်းတချို့ ဖွင့်လှစ်နိုင်ခဲ့ပေမယ့် တချို့ကိုယ်ထကိုယ်ထကျောင်းတွေမှာ ဖွင့်လှစ်နိုင်ဖို့အတွက် စစ်ကောင်စီရဲ့ခြိမ်းခြောက်မှုကိုခံနေရကြောင်း ကေအဲန်ယူက ပြောပါတယ်။
ကေအဲန်ယူထိန်းချုပ်နယ်မြေ ညောင်လေးပင်ခရိုင် ကျောက်ကြီးမြို့နယ်အတွင်းရှိ ဒေသခံပြည်သူလူထုတည်ထောင်တဲ့ ကိုယ်ထူကိုယ်ထကျောင်းတွေဖြစ်တဲ့ လော်မူပယ်ရွာက မူလတန်းကျောင်း၊ လော်မူသောရွာနဲ့ ကော်သာစေးရွာက အလယ်တန်းကျောင်းတွေကို ဒီကနေ့ ဇွန် ၂ ရက် မနက် ၈ နာရီခွဲမှာ ကျောင်းဖွင့်ပွဲအခမ်းအနားကို ကျင်းပပြုလုပ်ခဲ့တာပါ။
အခုလို ကိုယ်ထူကိုယ်ထကျောင်းတွေ ဖွင့်လှစ်နိုင်ခဲ့ပေမယ့် ကျောင်းသုံးပစ္စည်းကိရိယာတွေ၊ စာရေးခုံနဲ့ ထိုင်ခုံတွေ အလုံအလောက်မရှိသေးဘူးလို့ ထုတ်ပြန်ချက်မှာ ဖော်ပြထားပါတယ်။
အာဏာရှင်ရဲ့ပညာရေးစနစ်ကို မနှစ်သက်တဲ့ ကျွဲခြံကျေးရွာက ပြည်သူလူထုတွေဟာ ကိုယ်ထူကိုယ်ထကျောင်းကို တည်ဆောက်ဖို့အတွက် ကြိုးပမ်းနေချိန်မှာ စစ်ကောင်စီတပ်ရဲ့ ခြိမ်းခြောက်မှုကို ခံနေရတယ်လို့ ကေအဲန်ယူက ဆိုပါတယ်။
Public Service Announcement
ဒီကနေ့ မနက် ၈ နာရီအချိန်က စစ်ကောင်စီရဲ့ ခလရ(၆၀) တပ်က ဗိုလ်ကြီးအဆင့်ရှိတဲ့ ဇေယျာလင်းက ကျွဲခြံကျေးရွာရှိ စောမော်ဒေါင်းဟာ ခေါ်ယူတွေ့ဆုံခဲ့ပြီး စစ်ကောင်စီစာသင်ကျောင်းကို ဖွင့်လှစ်ဖို့ ပြောခဲ့တယ်လို့ ကေအဲန်ယူရဲ့ထုတ်ပြန်ချက်မှာ ပါရှိပါတယ်။
စစ်ကောင်စီရဲ့စာသင်ကျောင်းကို မဖွင့်လှစ် မတက်ရောက်ပါက ကျွဲခြံကျေးရွာက ရွာသူရွာသားတွေကို မောင်းထုတ်ပြီး ကျေးရွာကို မီးရှို့ဖျက်ဆီးသွားမယ်လို့ စစ်ကောင်စီက ခြိမ်းခြောက်ခဲ့ကြောင်း ကေအဲန်ယူက သတင်းထုတ်ပြန်ထားပါတယ်။
