Connect with us

Hi, what are you looking for?

LuduNwayOo

သတင်း

တယ်လီ​နောမြန်မာကို ATOM မြန်မာဟုအမည်​ပြောင်း

မြန်မာနိုင်ငံတွင် တယ်လီနောမြန်မာသုံးစွဲသူ ၁၈ သန်းကျော်ရှိပြီး ယင်းသည် နိုင်ငံ့လူဦးရေ၏ ၃ ပုံ ၁ ပုံဖြစ်ကြောင်းနှင့် တယ်လီနောမြန်မာကို Investcom ထံ ရောင်းချလိုက်ပါက ၁၈ သန်းကျော်သော မြန်မာပြည်သူများ၏ အချက်အလက်များက အကြမ်းဖက်စစ်ကောင်စီ လက်ထဲ ရောက်ရှိသွား မည်ဖြစ်ကြောင်း NUG ဝန်ကြီး ဦးထင်လင်းအောင်ကကန့်ကွက်ခဲ့သည်။

Telenor Myanmar
Telenor Myanmar

နော်ဝေးအစိုးရအဓိကပိုင်ဆိုင်​သောဆက်သွယ်​​ရေးကွန်ယက်ဖြစ်သည့် တယ်လီနော မြန်မာကို​မေလ ၃၀ ရက်မှစ၍ ATOM မြန်မာစတင်ပြီး အမည်ပြောင်းလဲလိုက်ပြီဖြစ်ကြောင်း တယ်လီနောမြန်မာကဇွန် ၁ရက်စွဲဖြင့်ထုတ်ပြန်သည်။

ကုမ္ပဏီအမည်ပြောင်းလဲခြင်းကြောင့် ထုတ်ကုန်နှင့် ဝန်ဆောင်မှုများအပေါ်အကျိုးသက်ရောက်မှုရှိမည်မဟုတ်ဘဲ သုံးစွဲသူနှင့် မိတ်ဘက်များအတွက်လည်း ပြောင်းလဲမှုမရှိကြောင်း တယ်လီနောမြန်မာကဆိုသည်။

မြန်မာနိုင်ငံတွင် ဆက်သွယ်ရေးလုပ်ငန်းများကို တယ်လီနောမြန်မာအမည်ဖြင့်ဆောင်ရွက်မှုများသည် ၂၀၂၂ မေ ၃၀ ရက်တွင် အဆုံးသတ်သွားပြီဖြစ်ကြောင်းလည်း ​ဖော်ပြထားသည်။

သုံးစွဲသူ ၁၈သန်းကျော်ရှိသည်ဆို​​​သော တယ်လီနောမြန်မာကို လက်ဘနွန်အခြေစိုက် M1 Groupကို ဒေါ်လာ ၁၀၅ သန်းဖြင့်ရောင်းချမည်ဟု ၂၀၂၁ ဇူလှိုင်လတွင် တယ်လီနောကုမ္ပဏီက ကြေညာခဲ့သည်။ မြန်မာနိုင်ငံတွင် ၈ နှစ်ကြာ လုပ်ကိုင်ခဲ့သည့် တယ်လီနောမြန်မာ၏ ဆက်သွယ်ရေးကွန်ယက်ကို အာဏာသိမ်းစစ်တပ်နှင့် နီးစပ်သည့် ရွှေဗျိုင်းဖြူကုမ္ပဏီနှင့် M1 Groupတို့ ပူးပေါင်းထူထောင်ထားသည့် Investcom PTEကို ရောင်းချရန် စစ်ကောင်စီထိန်းချုပ်ထားသည့် ရင်းနှီးမြှပ်နှံမှုကော်မရှင်က ၂၀၂၂ မတ် ၁၅ ရက်တွင် အတည်ပြုပေးခဲ့သည်။

ယခုအမည်​ပြောင်းမှုနှင့်အတူ ပိုင်ရှင်အ​ပြောင်းအလဲဖြစ်၊မဖြစ်ကိုမူ ထုတ်ပြန်ချက်တွင်​ဖော်ပြထားခြင်းမရှိ​ပေ။

မြန်မာနိုင်ငံတွင် တယ်လီနောမြန်မာသုံးစွဲသူ ၁၈ သန်းကျော်ရှိပြီး ယင်းသည် နိုင်ငံ့လူဦးရေ၏ ၃ ပုံ ၁ ပုံဖြစ်ကြောင်းနှင့် တယ်လီနောမြန်မာကို Investcom ထံ ရောင်းချလိုက်ပါက ၁၈ သန်းကျော်သော မြန်မာပြည်သူများ၏ အချက်အလက်များက အကြမ်းဖက်စစ်ကောင်စီ လက်ထဲ ရောက်ရှိသွား မည်ဖြစ်ကြောင်း NUG ဝန်ကြီး ဦးထင်လင်းအောင်ကကန့်ကွက်ခဲ့သည်။

တယ်လီနောမြန်မာသုံးစွဲသူများနှင့် လူ့အခွင့်အရေး တက်ကြွလှုပ်ရှား သူများက တယ်လီနောကို အကြမ်းဖက်စစ်ကောင်စီနှင့် နီးစပ်သည့်ကုမ္ပဏီထံရောင်းချမည့်ကိစ္စကို အပြင်းအထန်ကန့် ကွက်ခဲ့ပြီး ရောင်းချမည့်အစီအစဉ်ကိုဖျက်သိမ်းရန် ​နော်​​​ဝေအစိုးရအားလက်မှတ်ရေးထိုးတောင်းဆိုမှုများပြုလုပ်ခဲ့သည်။

You May Also Like

News

ပိုင်ရှင်သစ်ထံအလွှဲအပြောင်းဟာ တယ်လီနောရဲ့ သုံးစွဲသူတွေ ၊ ဝန်ထမ်းတွေ နဲ့ မိတ်ဖက်တွေအပေါ် တိုက်ရိုက်သက်ရောက်မှု ရှိမှာမဟုတ်ဘူးလို့ တယ်လီနောရဲ့ ဒီနေ့ထုတ်ပြန်ချက်မှာဖော်ပြထားပါတယ်။

News

နိုင်ငံအနှံ့မီးဆိုးဆိုးရွားရွားပျက်တောက်နေတဲ့ကြားထဲကနေ မတ်လ ၁၂ ရက်ကနေ မတ်လ ၁၈ ရက်အထိ လျှပ်စစ်မီးပေးတာကို အချိန်ပိုင်းလျော့ကျမယ်လို့စစ်ကောင်စီက ကြေညာထားတာပါ။

News

ပြီးခဲ့သည့် ဖေဖော်ဝါရီ ၁၆ ရက်တွင် နော်ဝေးပါလီမန်၌ တယ်လီနောမြန်မာ ရောင်းချမှုအခြေ အနေကို လွှတ်တော်အမတ် Mr. Ola Elvestuen က မေးမြန်းခဲ့ပြီး NUG နှင့် ယမန်နေ့ဆွေး နွေးပွဲတွင် အဆိုပါ လွှတ်တော်အမတ် တက်ရောက်ခဲ့သည်။

News

"တယ်လီနောရဲ့ ပိုင်ရှင်အနေနဲ့ မြန်မာပြည်လုပ်ငန်းခွဲမှာများပြားလှတဲ့ သုံးစွဲသူတွေရဲ့အချက်အလက်တွေကို စစ်ကောင်စီလက်ထဲ ရောက်မသွားအောင် မတားဆီးနိုင်ပါဘူး "လို့ နော်ဝေး စက်မှု ဝန်ကြီးက နော်ဝေးပါလီမန်ကိုတင်ပြခဲ့ပါတယ်။