ဒီမိုကရေစီလိုလားသည့် ခေါင်းဆောင်များနှင့် တက်ကြွလှုပ်ရှားသူများကို ကွပ်မျက်ခြင်းမပြုရန် ကနေဒါက မြန်မာစစ်တပ်ကို တိုက်တွန်းလိုက်သည်။
ဒီမိုကရေစီလိုလားသည့် ခေါင်းဆောင်များနှင့်တက်ကြွလှုပ်ရှားသူများကို ကွပ်မျက်ရန် မြန်မာစစ်အာဏာရှင်အဖွဲ့အစည်း၏ သတင်းထုတ်ပြန်ချက်ကို ကနေဒါနိုင်ငံက ပြင်းထန်စွာ ရှုံ့ချကြောင်း သံရုံးက ယနေ့ထုတ်ပြန်သည်။
မြန်မာနိုင်ငံတွင် လွတ်လပ်သောတရားခွင်ဖြစ်ပေါ်ရေးနှင့် တရားစီရင်ရေးဆိုင်ရာလွတ်လပ်ခွင့်ရရှိရေးအပါအဝင် လူ့အခွင့်အရေးနှင့် လူသားချင်းစာနာထောက်ထားမှုဆိုင်ရာ ဥပဒေများကို ချိုးဖောက်မှုများ ဆက်လက်ဖြစ်ပွားနေခြင်းအပေါ်စိုးရိမ်ပူပန်ကြောင်းလည်း ကနေဒါက ဖော်ပြသည်။
ထို့အပြင် မတရားဖမ်းဆီးခံထားရသူများနှင့် နိုင်ငံရေးအကျဉ်းသားများကို ပြန်လွှတ်ပေးရန် ကနေဒါက ထပ်မံတောင်းဆိုသည်။
Public Service Announcement
ကနေဒါသည် မြန်မာစစ်တပ်၏ တရားမဝင်အာဏာသိမ်းမှုကို အပြင်းအထန်ကန့်ကွက်ထားပြီး မြန်မာနိုင်ငံသားများ၏ လူ့အခွင့်အရေးနှင့် ဒီမိုကရေစီတောင်းဆိုမှုများကို စစ်တပ်က လျစ်လျူရှု နေသည့်အတွက် အာဏာသိမ်းစစ်ခေါင်းဆောင်များ၊ ပါဝင်ပတ်သက်သူများ၊ ဆက်စပ်စီးပွားရေး လုပ်ငန်းများကို ပိတ်ဆို့အရေးယူမှုများပြုလုပ်ထားသည်။
ကနေဒါသည် နေရာတိုင်းတွင် လူသားအားလုံးအတွက် မည်သည့်အခြေအနေတွင်ဖြစ်စေ သေဒဏ်ပေးမှုကို ဆန့်ကျင်ကြောင်း ထုတ်ပြန်သည်။
