အကြမ်းဖက်စစ်ကောင်စီ၏ ထောက်တိုင်တစ်ခုဖြစ်သည့် ရန်ကုန်မြို့ရှိ ကမ္ဘောဇဘဏ်၏ ATM စက်နှစ်ခုကို ဖောက်ခွဲတိုက်ခိုက်ခဲ့ကြောင်း Civil Guerrilla Force -YGN က အသိပေးထားသည်။
ဇွန်လ၈ ရက် နံနက်တွင် လှိုင်သာယာမြို့နယ် ရွှေကမ်းသာယာအိမ်ယာ KBZ ဘဏ်ခွဲရှိ ATM နှင့် ဘဏ်ဝင်ပေါက်ကို တိုက်ခိုက်ခဲ့ပြီး ဇွန်လ ၉ ရက်ညတွင် အင်းစိန်လမ်း နှင့်ပါရမီလမ်းဆုံ တပ်မတော်အထည်ချုပ်စက်ရုံအနီးရှိ KBZ ၏ ATMစက်ကို တိုက်ခိုက်ခဲ့ကြောင်း CGF-YGN က ထုတ်ပြန်ထားသည်။
ကမ္ဘောဇဘဏ်သည် တော်လှန်ရေးအဖွဲ့များနှင့် ထောက်ပို့များ၏ အကောင့်များကို အကြမ်းဖက်စစ်ကောင်စီ အလိုကျ ပိတ်သိမ်းခြင်း ၊ ပြည်သူများ၏ အကောင့်များကို တရားမဝင်ပိတ်ဆို့၍ ပြည်သူပိုင်ငွေများကို ဂုတ်သွေးစုပ်သိမ်းယူခြင်း၊ အပြစ်မဲ့ ပြည်သူများ၏ ငွေကြေး နှင့် မိသားစုဘဝများ ပျက်စီးရခြင်းကြောင့် စစ်ရေးပစ်မှတ်အနေဖြင့် Southern Division PDF နှင့်ပူးပေါင်း၍ တိုက်ခိုက်ခဲ့ခြင်းဖြစ်ကြောင်း CGF-YGN ကဆိုသည်။
အဆိုပါတိုက်ခိုက်မှုတွင် ပြည်သူများကို ထိခိုက်မည်စိုးရိမ်သောကြောင့် ပြင်းအားနည်းသည့် ပစ္စည်းများကိုသာ အသုံးပြုခဲ့ပြီး ပိုမိုပြင်းထန်သည့် စစ်ရေးတိုက်ခိုက်မှုများ ထပ်မံပြုလုပ်မည်ဖြစ်သောကြောင့် ပြည်သူများအနေဖြင့် ကမ္ဘောဇဘဏ်သို့ ငွေအပ်ရန် ၊ငွေလွှဲရန် သွားရောက်ခြင်းများ ရှောင်ကြဉ်ရန် CGF-YGN က မေတ္တာရပ်ခံထားသည်။
Public Service Announcement
ကမ္ဘောဇဘဏ်သည် စစ်ကောင်စီကို လေယာဉ်ဆီထောက်ပံ့သည့် ကိစ္စအပါအဝင် Kpay အကောင့်များကို မတရားပိတ်သိမ်းခဲ့သောကြောင့် တစ်နိုင်ငံလုံးအတိုင်းအတာဖြင့် ပြည်သူ့ကာကွယ်ရေးတပ်ဖွဲ့များက တိုက်ခိုက်မှုများပြုလုပ်နေသည်။
ကမ္ဘောဇဘဏ်က ရန်ကုန် ၊မန္တလေး၊ နေပြည်တော်ဆနှင့် တောင်ကြီးမြို့များရှိ သတ်မှတ်ထားသော ATM များ၌ ဇွန်လ ၉ရက်မှစတင်၍ တစ်ပတ်လျှင် ငွေသုံးသိန်းထုတ်နိုင်ကြောင်း ကြေညာထားသည်။
