စစ်ကိုင်းတိုင်း၊ ဝက်လက်မြို့နယ်အတွင်းတိုက်ပွဲတစ်ခုတွင် ပိတ်မိနေသောရဲဘော်နှစ်ဦးအား ကယ်ထုတ်နိုင်ရန်ခံတိုက်ခဲ့သည့်ရွှေဘိုLocal PDF မှဗိုလ်သံမဏိနှင့်ရဲဘော်နှစ်ဦးကျဆုံးခဲ့ကြောင်းစစ်ကိုင်းအခြေစိုက် ပြည်သူ့ကာကွယ်ရေးအဖွဲ့များက ပြောသည်။
ယမန်နေ့(ဇွန်လ ၁၀ရက်နေ့)က ဝက်လက်မြို့နယ်၊ ချောင်းမီးတိုရွာအနီးတွင် အကြမ်းဖက်စစ်တပ်နှင့် ပြည်သူ့ကာကွယ်ရေးအဖွဲ့များ အနီးကပ်တိုက်ပွဲဖြစ်ပွားခဲ့သည်။
ထိုတိုက်ပွဲတွင်ဗိုလ်သံမဏိနှင့်ရဲဘော်နှစ်ဦးတို့ကပိတ်မိနေသည့်ရဲဘော်နှစ်ဦးကို ကယ်ထုတ်နိုင်ရန် အင်အား၁၅၀ခန့်ရှိသည့် အကြမ်းဖက်စစ်ကောင်စီတပ်အား ၃ ယောက်တည်းခံတိုက်ပေးရင်းကျဆုံးခဲ့ခြင်းဖြစ်ကြောင်းမြောင်CDSOM အဖွဲ့ကကိုနွေဦးက ပြောသည်။
“ပိတ်မိနေတဲ့သူ့ရဲဘော်နှစ်ဦးကိုကယ်ထုတ်နိုင်ဖို့အင်အား၁၅၀လောက်ွေးတွေကို ၃ယောက်ထဲခံတိုက်ပေးရင်း နိုင်ငံတော်အတွက် ရဲရဲရင့်ရင့် သူရဲကောင်းပီသစွာနဲ့ ပေးဆပ်သွားခဲ့ပြီဆိုတဲ့သတင်း ရုတ်တရက် ကြားလိုက်ရချိန် ကျုပ်နှလုံးသားတွေ ယူကြုံးမရဖြစ်ခဲ့ရတယ်။ ဗိုလ်သံမဏိရေ နားထဲမှာစကားသံတွေပဲ့တင်ထပ်နေတုန်းပဲဗျာ။”ဟု ကိုနွေဦးက ပြောသည်။
Public Service Announcement
နွေဦးတော်လှန်ရေးတွင် ဗိုလ်သံမဏီ အမည်မှာ အနည်းဆုံး သုံးဦးရှိသည်။ ယင်းမာပင် PDF ခေါင်းဆောင်မှာလည်း ဗိုလ်သံမဏီ ခေါ် သပြေအေးဆရာတော်အရှင်သောပါက ဖြစ်ပြီး ၊ ခင်ဦး PDF တွင်လည်း ဗိုလ်သံမဏီရှိသည်။အထက်ပါတိုက်ပွဲ ဖြစ်ပွားသောအဖွဲ့မှာရွှေဘိုဒေသခံPDFဖြစ်ကာ ရွှေဘို PDF မှဗိုလ်သံမဏီကျဆုံးခဲ့ခြင်းဖြစ်သည်။
ထိုအပြင်ပြည်သူ့ရဲဘော်တစ်ဦးလည်း ဒဏ်ရာရခဲ့ပြီး ဒေသခံပြည်သူနှစ်ဦးလည်း ကျည်ထိမှန်ဒဏ်ရာရခဲ့ကြောင်း ဒေသခံများက ပြောသည်။ ပိတ်မိနေခဲ့သော ရဲဘော်နှစ်ဦးမှာ အသက်ဘေးမှလွတ်မြောက်ခဲ့သည်လား ကျဆုံးခဲ့သော ရဲဘော် နှစ်ဦးလား ဆိုသည်ကိုမူ People’s Spring က အတည်မပြုနိုင်သေးပါ။
တိုက်ခိုက်ခံရပြီးနောက်ချောင်းမီးတိုရွာကိုအကြမ်းဖက်စစ်တပ်က မီးရှို့ဖျက်ဆီးရာ အိမ်၁၀၀ကျော်နှင့်ဆိုင်ကယ်များ မီးလောင်ပျက်စီးခဲ့သည်။
ထို့အပြင် နွားအကောင် ၄၀ ကောင်ခန့်၊ ဆိတ် ၃၈ ကောင် မီးလောင်သေဆုံးပြီး အသက် ၈၀ ကျော် အဖွားအိုတစ်ဦး ပြင်းထန် မီးလောင်ဒဏ်ရာရရှိခဲ့ကြောင်း ဝက်လက်မြို့နယ် သတင်းမှန်န်ကြားရေး၏ ထုတ်ပြန်ချက်တွင်ဖော်ပြထားသည်။
(မှတ်ချက်-သတင်းကို ဇွန် ၁၁ ရက် ည ၁၀နာရီ ၅၀ မိနစ်တွင်ထပ်မံ ဖြည့်စွက်ထားပါသည်။)
