ကယားပြည်နယ်(ကရင်နီဒေသ)ရှိ စစ်ဘေးရှောင်စခန်းများတွင် အဟာရပြတ်လတ်မှုနှင့် ကြိုတင်ကာကွယ်ကုသနိုင်သောရောဂါများကြောင့် ပြည်သူ ၂၆ ဦး အသက်ဆုံးရှုံးခဲ့ရကြောင်း ကရင်နီပြည်စစ်ဘေးရှောင်ကူညီစောင့်ရှောက်ရေးကွန်ယက်မှ ယနေ့(ဇွန် ၁၂)အသိပေးထုတ်ပြန်သည်။
စစ်ဘေးရှောင်နေစဥ် အစာအာဟာရပြတ်လပ်မှု၊ ရာသီးဉတုဒဏ်၊ သောက်သုံးရေ ပြတ်လပ်မှု၊ ကာလ၀မ်းရောၐါနှင့် ကြိုတင်ကာကွယ် ကုသ ၍ရသော ရောၐါများကြောင်း အသက်သေဆုံးရခြင်းဖြစ်ကြောင်း ကွန်ယက်၏တစ်နှစ်ပြည့်အစီရင်ခံစာတွင် ဖော်ပြသည်။
ကရင်နီဒေသ အကြမ်းဖက်စစ်ကောင်စီတပ်၏ ဖျက်ဆီးမှုကြောင့် နေအိမ်ပေါင်း ၇၀၀ ကျော် မီးလောင်ပျက်စီးခဲ့ပြီး အရပ်သားပြည်သူ သေဆုံးမှု ၂၄၀ ဦးရှိကာ လူဉီးရေ ၁၉၀,၀၀၀ ကျော် စစ်ဘေးရှောင်နေရသည်ဟုပါရှိသည်။
ထို့ကြောင့် ကရင်နီပြည် စစ်ဘေးရှောင်ကူညီစောင့်ရှောက်ရေးကွန်ယက်သည် တိုက်ပွဲကြားကနေ စစ်ရှောင်များအတွက် လိုအပ်သည့် ပညာရေး၊ ကျန်းမာရေး၊ အစားအသောက်နှင့် အခြေခံလိုအပ်ချက်များကို တတ်စွမ်းသမျှပံပို့ကူညီမှုများ စဥ်ဆက်မပြတ်လုပ်ဆောင်ခဲ့သည်ဟု ဆိုသည်။
Public Service Announcement
“တိုက်ပွဲကြားကနေ မွေးဖွားလာတဲ့ အဖွဲ့အစည်းဖြစ်တာမို့ အခက်အခဲအမျိုးမျိုး ၊ မပြည့်စုံမှု အမျိုးမျိုးတွေနဲ့ ရပ်တည်လာခဲ့ရပါတယ်”ဟု ကရင်နီပြည် စစ်ဘေးရှောင်ကူညီစောင့်ရှောက်ရေးကွန်ယက်က ပြောသည်။
လက်ရှိတွင် စိုက်ပျိုးရာသီဖြစ်သော်လည်း က ရင်နီပြည်တွင် လူထုတိုက်ပွဲများဆက်ရှိနေခြင်းကြောင့် စိုက်ပျိုးရေးမလုပ်နိုင်သည်မှာ နှစ်မိုးရှိပြီဖြစ်ပြီး မိုးလွန်ကာလတွင် စစ်ရေးအရှိန်များယခုထက်ပိုမြှင့်လာနိုင်သည်ဖြစ်၍ အခက်အခဲများစွာ ထပ်ရှိလာနိုင်သည်ဟုလည်း အသိပေးသည်။
ထို့ကြောင့် စစ်ဘေးရှောင်များမှာ စားနပ်ရိက္ခာအခက်အခဲ၊ အာဟာရပြတ်လပ်မှု၊ ကာလ၀မ်းရောၐါ၊ သွေးလွန်တုပ်ကွေးနှင့် ကြိုတင်ကာကွယ်၍ရသော ရောၐါများဖြင့် ရင်ဆိုင်နေရဆဲဖြစ်၍ ပြည်တွင်းပြည်ပအဖွဲ့အစည်းများမှ ကူညီပံ့ပိုးပေးကြရန် တိုက်တွန်းနှိုးဆော်ထားသည်။
